ایشین میل نیوز ڈیسک
سرینگر 25/ترکہ وانگام شوپیاں میں جنگجو مخالف آپریشن کے دوران گھر گھر تلاشی لی گئی جس دوران مکینوں کے شناختی کارڈ باریک بینی سے چیک کئے گئے۔ دفاعی ذرائع نے اسکی تصدیق کرتے ہوئے بتایا کہ عسکریت پسندوں کی موجودگی کی اطلاع ملنے کے بعد ترکہ وانگام شوپیاں علاقے میں جنگجو مخالف آپریشن شروع کیا گیا۔ خبر رساں ایجنسی یو پی آئی کے مطابق سیکورٹی فورسز اور پولیس نے مشترکہ طورپر پہاڑی ضلع شوپیاں کے ترکہ وانگام علاقے میں جنگجو مخالف آپریشن شروع کیا۔ نمائندے کے مطابق فوج ، پولیس اور پیر املٹری فورسز نے جمعرات کے روز اس علاقے کو سیل کرکے فرار ہونے کے تمام راستوں پر پہرے بٹھا دئے۔ مقامی ذرائع نے بتایا کہ تلاشی کے دوران کسی کو بھی گھروں سے باہر آنے کی اجازت نہیں دی گئی ۔ معلوم ہوا ہے کہ فورسز نے کافی دیر تک علاقے کی تلاشی لی جس دوران کسی کے گرفتار ہونے کے بارے میں کوئی اطلاع موصول نہیں ہوئی ۔
ترکہ وانگام شوپیاں علاقے میں جنگجو مخالف آپریشن
Popular Categories
گزشتہ مضمون![]( "بجبہاڑہ میں جاں بحق جنگجو کون تھے اور کب ملی ٹینٹ بنے")
اگلا مضمون![]( "بجبہاڑہ جھڑپ میں سیکورٹی فورسز کو اہم کامیابی :دلباغ سنگھ")
