جموں:الیکشن کمیشن آف انڈیا نے اننت ناگ پارلیمانی حلقہ جہاں تیسرے مرحلے میں23 اپریل 2019 کو ووٹ ڈالے جائیں گے، کے پولنگ اوقات میں تبدیلی لائی ہے۔
اس سلسلے میں ای سی آئی کی طرف سے جاری ایک نوٹیفکیشن میں کہا گیا ہے کہ اننت ناگ پارلیمانی حلقہ کے تمام پولنگ مراکز پر پولنگ کے اوقات صُبح7 بجے سے سہ پہر 4 بجے تک ہوںگے۔
کمیشن نے28 مارچ کو یہ اوقات صُبح7 بجے سے شام6 بجے تک نوٹیفائی کئے تھے۔
کمیشن نے ریاستی حکومت، ضلع انتظامیہ اور پولیس کی رپورٹوں اور امن و قانون کی صورتحال سے جڑے دیگر معاملات کو ملحوظ نظر رکھ کر پولنگ اوقات میں ترمیم کی ہے۔
اننت ناگ پارلیمانی حلقہ میں تین مرحلوں کے تحت ووٹ ڈالے جائیں گے۔ ضلع اننت ناگ میں23 اپریل، کولگام ضلع میں29 اپریل جبکہ شوپیاں اور پلوامہ اضلاع میں6 مئی2019 کو ووٹ ڈالے جائیں گے۔
لیہہ میں میٹنگ کے لئے مشاہدین دستیاب
ڈپٹی ضلع چناﺅ آفیسر لیہہ عبدالغفار زرگر نے کہا ہے کہ لداخ پارلیمانی نشست کے لئے مشاہدین اکھلیش کمار شرما،پولیس اوبزرورسوریا کانت اور اخراجاتی مشاہد ملن رُچال لیہہ پہنچ گئے ہیںجہاں وہ اب ملاقات کے لئے دستیاب ہیں۔
ڈپٹی ضلع چناﺅ آفیسر کے مطابق کسی بھی سیاسی جماعت کا نمائندہ ننکُن وی آئی پی گیسٹ ہاﺅس نزدیک کے جی بی آر ائر پورٹ میں مشاہدین کے ساتھ صبح10بجے سے 11بجے تک ملاقات کرسکتا ہے ۔جب مشاہدین کے ساتھ ان نمبرات پر بھی رابطہ قائم کیاجاسکتا ہے۔جنرل اوبزرور9484120883،پولیس اوبزرور7051666442 اوراخراجاتی مشاہد9484242839
ریٹریننگ آفیسر اننت ناگ3نے چناﺅ تیاریوں کاجائزہ لیا
ریٹریننگ آفیسر 3اننت ناگ پارلیمانی نشست خالد جہانگیر نے آج تمام اے آر اووز اورنوڈل آفیسران کے ساتھ منعقدہ ایک میٹنگ کے دوران ضلع میں چناﺅ تیاریوں کاجائزہ لیا ۔اس موقعہ پر ریٹریننگ آفیسر نے ویب کاسٹنگ ،ویڈیو گرافی ،خواتین کے لئے پولنگ اسٹیشنوں کا قیام ،ٹرانسپورٹ منصوبے ،ماڈل پولنگ اسٹیشنوں اور کنٹرول رومز کا قیام اور دیگر امور کے علاوہ ڈسٹریبیوشن مراکز کاجائزہ لیا ۔
اے آر او ٹریننگس نے ریٹریننگ آفیسر کو بتایا کہ پولنگ اسٹیشنوں میں بجلی ،پانی ،فرنیچر اوردیگر سہولیات کی دستیابی کے لئے اقدامات کئے گئے ہیں۔انہیں بتایا گیا کہ ضلع اننت ناگ میں 28پولنگ مقامات پر ویب کاسٹنگ دستیاب رکھی جائے گی۔اس دوران اے آر ٹی او اورڈیپو منیجر ایس آر ٹی سی نے چناﺅ کے سلسلے میں پولنگ عملے کے لانے لے جانے اورالیکٹرانک ووٹنگ مشینوں کی ٹرانسپورٹیشن کے علاوہ دیگر اقدامات کے بارے میں جانکاری فراہم کی۔
میٹنگ کے دوران ریٹریننگ آفیسر نے اے آراووز اورنوڈل آفیسران کو چناﺅ عمل کے منصفانہ اوراحسن انعقاد کے لئے مناسب انتظامات کرنے اورپولنگ عملے کو چناﺅ سے متعلق تربیت فراہم کرنے پر زوردیا ۔انہوںنے متعلقہ آفیسران کو فرض شناسی اورتندہی سے کام کرنے کی ہدایت دی۔
ضلع چناﺅ آفیسر شوپیان نے الیکشن تیاریوں کاجائزہ لیا
ضلع چناﺅ آفیسر شوپیان ڈاکٹر اویس احمد نے آج پارلیمانی چناﺅ2019کے سلسلے میں کئے جارہے انتظامات کاجائزہ لیا۔میٹنگ کے دوران پولنگ عملے کی تعیناتی ،تشکیل دی گئی ٹیموں کی سرگرمیوں،پولنگ مواد کی دستیابی ،کنٹرول رومز کے قیام،ٹرانسپورٹ منصوبے اور خواتین پولنگ اسٹیشنوں کے علاوہ دیگر امور کا تفصیلی جائزہ لیا گیا۔
ڈی ای او نے ضلع میں چناﺅ کے احسن اور منصفانہ انعقاد کے لئے ہر ممکن وسائل بروئے کار لانے پر زوردیا ۔انہوںنے پولنگ اسٹیشنوں میں بجلی اورپانی کے علاوہ دیگر سہولیات کی دستیابی کو بھی یقینی بنانے کی ہدایت دی۔
میٹنگ میں اے ڈی سی،اے سی آر،ڈپٹی ڈسٹرکٹ الیکشن آفیسر،اے آر اووز وچی،شوپیان اور چیف ایجوکیشن آفیسر کے علاوہ دیگر متعلقہ آفیسران بھی موجود تھے۔
