چنئی سپر کنگس ٹیم آئی پی ایل۔ 12 میں مخالف ٹیم کے میدان پر نہ صرف چھکے چھڑا رہی ہے بلکہ ٹوئٹر پر بھی جھنڈے گاڑ رہی ہے۔ کرکٹ شائقین مہندر سنگھ دھونی کی قیادت میں چنئی سپر کنگس کی بہترین شروعات کی ٹوئٹر پر کافی تعریف کررہے ہیں جس کے سبب آئی پی ایل کے پہلے ہفتے میں چنئی ٹوئٹر پر سب سے مقبول ٹیم بن کر ابھری ہے۔ چنئی کے بعد روہت شرما کی ممبئی انڈینس اور وراٹ کوہلی کی رئل چیلنجرس بنگلور شامل ہیں۔ اگرچہ بنگلورو نے اپنے سبھی چار میچ ہار دیئے ہیں۔

دھونی نہ صرف اپنی کپتانی کو سبب ٹوئٹر پر چھائے ہوئے ہیں بلکہ اپنے بلے بازی کی وجہ سے بھی وہ کافی سرخیوں حاصل کررہے ہیں۔ راجستھان رائلس کے خلاف دھونی کی 46 گیندوں پر ناٹ آؤٹ 75 رنوں کی میچ فاتح اننگز کی ٹوئٹر پر مداحوں نے کافی تعریف کی ہے۔

ٹوئٹر پر سب سے زیادہ مقبول ناموں کی فہرست میں دھونی پہلے مقام پر ہیں۔ ان کے بعد وراٹ کوہلی اور بائیں ہاتھ کے بلے باز یووراج سنگھ ہیں۔