جموں/بی ایس ایف کے ڈائریکٹر جنرل آر کے مشرا نے کہا کہ سرحدوں پر تعینات فورسز اہلکار پاکستان کی فائرنگ کا کرارا جواب دے رہے ہیں۔ انہوں نے کہا کہ بی ایس ایف کسی بھی چیلنج سے نمٹنے کے لئے تیار ہے۔

آر کے مشرا منگل کے روز یہاں پونچھ میں ایل او سی پر پاکستانی شلنگ کی وجہ سے جاں بحق ہوئے بی ایس ایف انسپکٹر کی میت پر پھول مالائیں رکھنے کی تقریب کے حاشیہ پر نامہ نگاروں کے سوالات کا جواب دے رہے تھے۔ انہوں نے کہا ’ہم پاکستان کو کرارا جواب دے رہے ہیں۔ سرحدوں پر تعینات فوجیوں کو مایوس نہیں ہونا چاہیے۔ ہم ان کے ساتھ کھڑے ہیں‘۔ ا

نہوں نے کہا کہ بی ایس ایف کسی بھی چیلنج سے نمٹنے کے لئے تیار ہے۔ آر کے مشرا نے کہا کہ بی ایس ایف انسپکٹر کی مارٹر گولے کے آہنی ریزے لگنے سے موت ہوئی ہے۔ انہوں نے کہا ’پاکستانی مارٹر شلنگ کی وجہ سے ہمارے اس جوان کی شہادت ہوئی‘۔

ڈی جی بی ایس ایف نے کہا کہ بی ایس ایف کی جوابی فائرنگ میں پاکستان کا بھی کافی نقصان ہو اہے۔ ان کا کہنا تھا ’پاکستان کا کافی نقصان ہوا ہے۔ ہمیں وہاں ہونے والے نقصان کی تفصیلات کا انتظار ہے۔ آج بھی کہیں کہیں پر جنگ بندی معاہدے کی خلاف ورزی ہوئی ہے‘۔