سری نگر: جموں وکشمیر کے وزیر اعلیٰ عمر عبداللہ کا کہنا ہے کہ حکومت نے عوامی فلاح و بہبود کو ترجیح دیتے ہوئے بجلی کو سستا رکھنے سلسلہ جاری رکھا ہے۔
انہوں نے کہا کہ مالی سال 2025- 26 کے لئے جموں وکشمیر میں بجلی کے عمومی نرخوں میں کوئی اضافہ نہیں کیا گیا ہے۔
وزیر اعلیٰ کے دفتر کے ‘ایکس’ ہینڈل پر ایک پوسٹ میں کہا گیا: ‘حکومت بجلی کو قابل استطاعت رکھ کر لوگوں کی فلاح و بہبود کو ترجیح دینے کا سلسلہ جاری رکھے ہوئے ہے’۔
پوسٹ میں مزید کہا گیا: ‘مالی سال 2025 5- 26 کے لئے جموں و کشمیر میں بجلی کے عمومی نرخوں میں کوئی اضافہ نہیں کیا گیا ہے جبکہ ٹائم آف ڈے (ٹی او ڈی) ٹیرف بھی بدستور بر قرار رہے گا’۔
