پتتھل گاؤں ، 28 مارچ :  چھتیس گڑھ کے سابق وزیر اعلی ڈاکٹر رمن سنگھ نے کہا کہ بھارتیہ جنتا پارٹی (بی جے پی) نے موجودہ رکن پارلیمنٹ کا ٹکٹ نہیں کاٹا ہے بلکہ نئے کارکنوں کو ان کی وفاداری اور لگن دیکھ کر انتخابات لڑنے کی ذمہ داری سونپی ہے۔
گزشتہ روز دھرمجيا گڑھ میں پارٹی کارکنوں سے خطاب کرتے ہوئے انہوں نے کہا کہ بی جے پی سیاسی پارٹی کے ساتھ اپنے کارکنوں کا بڑا کنبہ بھی ہے۔ کارکن رات دن محنت کر کے اپنے امیدوار کو کامیاب بناتے ہیں۔ انہوں نے کہا کہ بی جے پی کے کارکنوں کی محنت اور لگن سے ہی فلاحی اسکیمیں اور پالیسیاں عام آدمی تک پہنچتی ہیں۔
مسٹر سنگھ نے کہا کہ دھرمجيا گڑھ میں منعقدہ بی جے پی کی تقریب میں کارکنوں کا جذبہ دیکھ کر وہ پر اعتماد ہیں کہ مرکز میں وزیر اعظم نریندر مودی کی قیادت کی حکومت پھر ایک مرتبہ مکمل اکثریت حاصل کرنے جا رہی ہے۔
یواین آئی