آئی پی ایل 2019  کے چوتھے میچ  میں راجستھان رائلس کے بلے باز بٹلر نے شاندار نصف سنچری اننگ کھیلی۔ بٹلت نے 43 گیندوں میں 69 رن بنائے۔ آئی پی ایل میں بٹلر کا یہ 7 ویں نصف سینچری تھی۔ جس میں انہوں نے 2چھکے اور 10 چوکے لگائے۔ بٹلر نے اپنی نصف سنچری محض 29 گیندوں میں لگائی۔ آپ کو بتادیں جوس بٹلر کا بلا کنگس الیون پنجاب کے خلاف جم کر بولتا ہے۔ انہوں نے پنجاب کے خلاف مسلسل 4 نصف سینچری لگانے کا کارنامہ کر دکھایا ہے۔ اس معاملے میں ڈیوڈ وارنر ان سے آگے ہیں جنہوں نے پنجاب کے خلاف مسلسل 6 نصف سینچری جمانے کا کارنامہ کیا۔

جوس بٹلر گزشتہ سیزن میں بھی شاندار فارم میں تھے اور نئے سیزن کا آغاز بھی انہوں نے کچھ ویسا ہی کیا۔ جوس بٹلر نے گزشتہ 7 آئی پی ایل اننگز میں 6 نصف سینچری لگائی ہیں جس میں 3 مرتبہ  سینچری سے چوکے ہیں۔

جے پور کے سوائی مان سنگھ اسٹیڈیم میں راجستھان رائلس کنگ الیون پنجاب کے درمیان چل رہے آئی پی ایل میچ میں اس وقت تنازع پیدا ہوگیا جب آر اشون نےراجستھان کے بلے باز جوس بٹلر کو مانکڈ آؤٹ کردیا۔ آپ کو بتادیں کہ یہ آئی پی ایل میں پہلا موقع ہے  جب کوئی کھلاڑی مانکڑ آؤٹ ہوا ہو۔

راجستھان رائلس کے وکٹ کیپر جوس بٹلر نے کنگس الیون پنجاب کے خلاف 43 گیندوں میں 69 رنوں کی اننگ کھیلی۔