نئی دہلی :این ڈی اے کی جاری فہرست میں جہاں بی جے پی کے شتروگھن سنہا اور شاہنواز حسین کا ٹکٹ کاٹا گیا ہے وہیں، مرکزی وزیر گری راج سنگھ کو نوادا کی جگہ بیگوسرائے سے میدان میں اتارا گیا ہے۔بہار میں این ڈی اے اتحاد نے لوک سبھا انتخابات کے لئے 40 سیٹوں میں سے 39 پر اپنے امیدواروں کا اعلان کر دیا ہے۔ این ڈی اے کی جاری فہرست میں جہاں بی جے پی کے شتروگھن سنہا اور شاہنواز حسین کا ٹکٹ کاٹا گیا ہے وہیں، مرکزی وزیر گری راج سنگھ کو نوادا کی جگہ بیگوسرائے سے میدان میں اتارا گیا ہے۔ کھگڑیا سیٹ پر ابھی امیدوار کا اعلان نہیں ہوا ہے جو رام ولاس پاسوان کی پارٹی ایل جے پی کے کھاتے میں ہے۔ٹکٹ کٹنے والے ناموں میں سب سے بڑا نام شتروگہن سنہا کا ہے۔ پٹنہ صاحب سے اب تک رکن پارلیمنٹ رہے شتروگھن سنہا کا پارٹی مخالف سرگرمیوں کی وجہ سے ٹکٹ کاٹ دیا گیا ہے۔ ان کی جگہ پر مرکزی وزیر روی شنکر پرساد الیکشن میں اتریں گے۔ شاہنواز حسین کا نام بھی پارٹی کی جاری کردہ فہرست میں نہیں ہے۔ پچھلی بار وہ بھاگلپور سے بی جے پی امیدوار تھے۔