’’ ﻣﯿﮟ ﻧﮯ ﺟﻮ ﮐﮩﺎﺗﮭﺎ ، ﺍﺳﮯ ﺩﺭﺳﺖ ﺳﻤﺠﮭﺎ ﮔﯿﺎ، ﻟﮩٰﺬﺍ ﻣﺠﮭﮯ ﮔﺮﻓﺘﺎﺭ ﮐﺮ ﻟﯿﺎ ﮔﯿﺎ ‘‘ ۔ ﺍﯾﻮﺏ ﺧﺎﻥ ﮐﺎﺯﻣﺎﻧﮧ ﺗﮭﺎ، ﺳﯿّﺪ ﺍﺑﻮﺍﻻﻋﻠﯽٰ ﻣﻮﺩﻭﺩﯼؒ ﻧﮯ ﺟﺒﺮﻭ ﺳﺘﻢ ﮐﮯ ﺍﺱ ﺩﻭﺭ ﻣﯿﮟ ﮐﮩﺎ ﮐﮧ ﺣﮑﻮﻣﺖ ﺗﮭﺎﻧﯿﺪﺍﺭ ﮐﮯ ﺩﻣﺎﻍ ﺳﮯ ﺳﻮﭼﺘﯽ ﮨﮯ۔ ﺍﺱ ﭘﺮ ﺍﻧﮩﯿﮟ ﮔﺮﻓﺘﺎﺭ ﮐﺮ ﻟﯿﺎ ﮔﯿﺎ۔ ﮐﭽﮫ ﺩﻧﻮﮞ ﺑﻌﺪ ﺍﻧﮩﯿﮟ ﮐﮩﺎ ﮔﯿﺎ ﮐﮧ ﺍﮔﺮ ﻭﮦ ﯾﮧ ﮐﮩﮧ ﺩﯾﮟ ﮐﮧ ﺍﻥ ﮐﯽ ﻣﺮﺍﺩ ﺍﯾﻮﺏ ﺧﺎﻥ ﮐﯽ ﺗﻮﮨﯿﻦ ﻧﮩﯿﮟ ﺗﮭﯽ ﺍﻭﺭ ﺍﻥ ﮐﺎ ﻣﻘﺼﺪ ﻭﮦ ﻧﮧ ﺗﮭﺎ ﺟﻮ ﺳﻤﺠﮭﺎ ﮔﯿﺎ ﺗﻮ ﺍﻧﮩﯿﮟ ﺭﮨﺎ ﮐﯿﺎ ﺟﺎ ﺳﮑﺘﺎ ﮨﮯ۔ ﺍﺱ ﭘﺮ ﺳﯿّﺪ ﺍﺑﻮﺍﻻﻋﻠﯽٰ ﻣﻮﺩﻭﯼ ؒ ﻧﮯ ﺟﻮﺍﺏ ﺩﯾﺎ ﺗﮭﺎ ﮐﮧ ﺍﷲ ﮐﺎ ﺷﮑﺮ ﮨﮯ ﮐﮧ ﻣﯿﮟ ﻧﮯ ﺟﻮ ﮐﮩﺎ ﺗﮭﺎ ﺍﺳﮯ ﺩﺭﺳﺖ ﺳﻤﺠﮭﺎ ﮔﯿﺎ۔ ﻣﯿﺮﯼ ﻣﺮﺍﺩ ﻭﮨﯽ ﺗﮭﯽ ﺟﻮ ﺳﻤﺠﮭﯽ ﮔﺌﯽ ﺍﻭﺭ ﯾﮧ ﮐﮧ ﻭﺍﻗﻌﺘﺎ ﺣﮑﻮﻣﺖ ﺗﮭﺎﻧﯿﺪﺍﺭ ﮐﮯ ﺩﻣﺎﻍ ﺳﮯ ﺳﻮﭼﺘﯽ ﮨﮯ۔ ﺍﺱ ﭘﺮ ﺍﯾﻮﺏ ﺧﺎﻥ ﻧﮯ ﺯﭺ ﮨﻮ ﮐﺮ ﯾﺎ ﺷﺮﻣﻨﺪﮦ ﮨﻮ ﮐﺮ ﺍﻧﮩﯿﮟ ﺭﮨﺎ ﮐﺮﻧﮯ ﮐﺎ ﺣﮑﻢ ﺩﮮ ﺩﯾﺎ۔

ﺳﯿّﺪ ﺍﺑﻮﺍﻻﻋﻠﯽٰ ﻣﻮﺩﻭﺩﯼ ؒ ۔ ﻣﻌﺮﻭﻑ ﻣﻌﻨﻮﮞ ﻣﯿﮟ ﮐﻮﺋﯽ ﻣﻮﻻﻧﺎ ﻧﮧ ﺗﮭﮯ، ﺍﺱ ﻟﯿﮯ ﮐﮧ ﻭﮦ ﮐﺴﯽ ﺭﻭﺍﯾﺘﯽ ﻣﺪﺭﺳﮯ ﺳﮯ ﺳﻨﺪِ ﻓﺮﺍﻏﺖ ﺣﺎﺻﻞ ﻧﮧ ﮐﺮ ﺳﮑﮯ ﺗﮭﮯ ﻟﯿﮑﻦ ﻭﮦ ﭘﻮﺭﮮ ﻋﺎﻟﻢ ﺍﺳﻼﻡ ﮐﮯ ﻟﯿﮯ ﻣﻮﻻﻧﺎ ﺗﮭﮯ ﮐﮧ ﻣﻮﻻﻧﺎ ﻭﮦ ﮨﻮﺗﺎ ﮨﮯ ﺟﺴﮯ ﺩﻝ ﺳﮯ ﻣﻮﻻﻧﺎ۔ ﯾﻌﻨﯽ ﺍﭘﻨﺎ ﻣُﺮﺷﺪ ﺳﻤﺠﮭﺎ ﺟﺎﺋﮯ۔ ﺁﺝ ﮐﻞ ﻣﻮﻻﻧﺎ ﮐﮭُﻤﺒﯿﻮﮞ ﮐﯽ ﻃﺮﺡ ﺍُﮒ ﺁﺗﮯ ﮨﯿﮟ، ﻟﯿﮑﻦ ﺯﻧﺪﮔﯽ ﺑﮭﺮ ﺑﮯ ﻭﺯﻥ ﺭﮨﺘﮯ ﮨﯿﮟ۔ ﻣﻮﻻﻧﺎ ﻣﻮﺩﻭﺩﯼؒ ﺍﯾﺴﮯ ﻧﮧ ﺗﮭﮯ، ﺍﻥ ﮐﺎ ﻭﺯﻥ ﭘﻮﺭﮮ ﻋﺎﻟﻢِ ﺍﺳﻼﻡ ﮐﻮ ﻭﺯﻥ ﻋﻄﺎ ﮐﺮﺗﺎ ﺗﮭﺎ ﺑﻠﮑﮧ ﺍﺱ ﺳﮯ ﺑﮭﯽ ﺁﮔﮯ ﻭﮊﻥ ﺩﯾﺘﺎ ﺗﮭﺎ ﺟﻮ ﻣﻌﻨﻮﯼ ﺍﻋﺘﺒﺎﺭ ﺳﮯ ﻭﺯﻥ ﺳﮯ ﺑﮭﯽ ﺯﯾﺎﺩﮦ ﻗﯿﻤﺘﯽ ﺍﺛﺎﺛﮧ ﮨﻮﺗﺎ ﮨﮯ۔

ﺳﯿّﺪ ﻣﻮﺩﻭﺩﯼؒ ﻧﮯ ﺍﯾﮏ ﻋﻠﻤﯽ ﻭ ﺍﺩﺑﯽ ﮔﮭﺮﺍﻧﮯ ﻣﯿﮟ ﺁﻧﮑﮫ ﮐﮭﻮﻟﯽ، ﮔﮭﺮ ﻣﯿﮟ ﻋﻠﻤﯽ ﺟﺴﺘﺠﻮ ﮐﺎ ﻣﺎﺣﻮﻝ ﺗﮭﺎ،ﺍﺩﺏ ﻭ ﺍﺣﺘﺮﺍﻡ ﮐﺎ ﭼﻠﻦ ﺗﮭﺎ۔ ﺍﺱ ﻟﯿﮯ ﮔﮭﺮ ﺳﮯ ﺑﮩﺖ ﮐﭽﮫ ﺳﯿﮑﮭﺎ۔ ﺍﺗﻨﺎ ﮐﭽﮫ ﺳﯿﮑﮭﺎ ﮐﮧ ﺯﻧﺪﮔﯽ ﺑﮭﺮ ﺍﺱ ﮐﯽ ﻻﺝ ﺭﮐﮭﯽ۔ ﮔﮩﺮﯼ ﺗﺤﻘﯿﻖ ﮐﯽ ﺭﻭﺍﯾﺖ ﺍﭘﻨﺎﺋﯽ ﺍﻭﺭ ﺯﻧﺪﮔﯽ ﺑﮭﺮ ﺍﺱ ﭘﺮ ﮐﺎﺭﺑﻨﺪ ﺭﮨﮯ۔ ﺍﭘﻨﮯ ﺷﺪﯾﺪ ﺗﺮﯾﻦ ﻣﺨﺎﻟﻔﯿﻦ ﮐﻮ ﺑﮭﯽ ’ ﺻﺎﺣﺐ ‘ ﮐﮯ ﺑﻐﯿﺮ ﻣﺨﺎﻃﺐ ﻧﮧ ﮐﯿﺎ۔ ﯾﮧ ﺍﺳﯽ ﺭﻭﺍﯾﺖ ﮐﺎ ﺍﻇﮩﺎﺭ ﺗﮭﺎ۔ ﺍﻧﮩﻮﮞ ﻧﮯ ﺗﺮﺟﻤﮧ ﺳﮯ ﺍﭘﻨﯽ ﻋﻠﻤﯽ ﺯﻧﺪﮔﯽ ﮐﺎ ﺁﻏﺎﺯ ﮐﯿﺎ۔ ﺣﯿﺪﺭﺁﺑﺎﺩ ﺩﮐﻦ ﺍﻥ ﮐﮯ ﺟﻮﺍﻧﯽ ﮐﮯ ﺍﯾﺎ ﻡ ﻣﯿﮟ ﻋﻠﻤﯽ ﺍﻋﺘﺒﺎﺭ ﺳﮯ ﺍﯾﮏ ﺍﮨﻢ ﻣﺮﮐﺰ ﺗﮭﺎ۔ ﻣﻮﻻﻧﺎ ﻧﮯ ﺟﺎﻣﻌﮧ ﻋﺜﻤﺎﻧﯿﮧ ﻣﯿﮟ ﺧﺪﻣﺎﺕ ﺍﻧﺠﺎﻡ ﺩﯾﮟ۔ ﺍﯾﮏ ﺯﻣﺎﻧﮧ ﻭﮦ ﺁﯾﺎ ﮐﮧ ﺍﻧﮩﻮﮞ ﻧﮯ ﺩﮨﻠﯽ ﮐﯽ ﺟﺎﻣﻊ ﻣﺴﺠﺪ ﻣﯿﮟ ﻣﻮﻻﻧﺎ ﻣﺤﻤﺪﻋﻠﯽ ﺟﻮﮨﺮؒ ﮐﻮ ﯾﮧ ﮐﮩﺘﮯ ﺳﻨﺎ ﮐﮧ ﮨﮯ ﮐﻮﺋﯽ ﺟﻮ ﺟﮩﺎﺩ ﮐﮯ ﺍﺳﻼﻣﯽ ﺗﺼﻮﺭ ﮐﯽ ﻭﺿﺎﺣﺖ ﮐﺮﮮ ﺍﻭﺭ ﺍﺳﻼﻡ ﮐﮯ ﺗﺼﻮﺭ ﺟﮩﺎﺩ ﮐﺎ ﺩﻓﺎﻉ ﮐﺮﮮ۔ ﺍﺱ ﻭﻗﺖ ﺟﻮﺍﻥ ﺍﺑﻮﺍﻻﻋﻠﯽٰ ﻧﮯ ﺍﺱ ﺁﻭﺍﺯ ﭘﺮ ﻟﺒّﯿﮏ ﮐﮩﺘﮯ ﮨﻮﺋﮯ ’ ﺍﻟﺠﮩﺎﺩ ﻓﯽ ﺍﻻﺳﻼﻡ ‘ ﮐﮯ ﻧﺎﻡ ﺳﮯ ﺍﯾﮏ ﺷﺎﮨﮑﺎﺭ ﮐﺘﺎﺏ ﻟﮑﮭﯽ ﺍﻭﺭ ﺍﺳﻼﻡ ﻣﯿﮟ ﺟﮩﺎﺩ ﮐﯽ ﺣﻘﯿﻘﺖ ﺳﮯ ﭘﻮﺭﯼ ﺩﻧﯿﺎ ﮐﻮ ﺁﮔﺎﮦ ﮐﺮﺩﯾﺎ۔

ﺧﻼﻓﺖ ﻋﺜﻤﺎﻧﯿﮧ ﮐﺎ ﺷﯿﺮﺍﺯﮦ ﺑﮑﮭﺮ ﭼﮑﺎ ﺗﮭﺎ، ﻋﺎﻟﻢ ﺍﺳﻼﻡ ﮐﻮ ﺍﺯ ﺳﺮﻧﻮ ﻣﻨﻈﻢ ﻭ ﻣﻨﻀﺒﻂ ﮐﺮﻧﮯ ﮐﯽ ﺿﺮﻭﺭﺕ ﺗﮭﯽ۔ﻋﻼﻣﮧ ﺍﻗﺒﺎﻝ ؒ ﻧﮯ 1931 ﺀ ﮐﮯ ﺧﻄﺒﮧ ﺍﻟﮧٰ ﺁﺑﺎﺩ ﻣﯿﮟ ﺍﺱ ﭘﺮ ﺯﻭﺭ ﺩﯾﺎ۔ﺍﺑﻮﺍﻻﻋﻠﯽٰ ﻣﻮﺩﻭﺩﯼ ؒ ﻧﮯ ﻋﻼﻣﮧ ﺍﻗﺒﺎﻝ ؒ ﮐﯽ ﺑﺎﺕ ﮐﻮ ﺳﻤﺠﮫ ﻟﯿﺎ ﺍﻭﺭ ﺍﻥ ﺳﮯ ﺧﻂ ﻭ ﮐﺘﺎﺑﺖ ﺷﺮﻭﻉ ﮐﺮ ﺩﯼ۔ ﺍﺳﯽ ﻃﺮﺡ ﺍﻧﮩﻮﮞ ﻧﮯ ﻗﺮﺁﻧﯽ ﻓﮑﺮ ﻭ ﻓﻠﺴﻔﮧ ﮐﻮ ﻋﺎﻡ ﮐﺮﻧﮯ ﮐﮯ ﻟﯿﮯ ’ ﺗﺮﺟﻤﺎﻥ ﺍﻟﻘﺮﺁﻥ ‘ ﮐﮯ ﻧﺎﻡ ﺳﮯ ﺍﭘﻨﺎ ﺭﺳﺎﻟﮧ ﺷﺎﺋﻊ ﮐﺮﻧﺎ ﺷﺮﻭﻉ ﮐﯿﺎ ﺍﻭﺭ ﭘﮭﺮ ﺍﭘﻨﮯ ﺩﺍﺋﺮﮦ ﺍﺧﺘﯿﺎﺭ ﺍﻭﺭ ﻗﻮّﺕ ﮐﮯ ﻣﻄﺎﺑﻖ ﭘﭩﮭﺎﻥ ﮐﻮﭦ ﻣﯿﮟ ﺍﯾﮏ ﺑﺴﺘﯽ ﺗﻌﻤﯿﺮ ﮐﯽ، ﺟﻮ ﺩﺭﺣﻘﯿﻘﺖ ﻋﻼﻣﮧ ﺍﻗﺒﺎﻝؒ ﮐﯽ ﻓﮑﺮ ﮐﻮ ﮨﯽ ﺁﮔﮯ ﺑﮍﮬﺎﻧﮯ ﮐﯽ ﺍﯾﮏ ﮐﺎﻭﺵ ﺗﮭﯽ۔ ﻣﻮﻻﻧﺎﻣﻮﺩﻭﺩﯼؒ ﻧﮯ ﺍﯾﮏ ﻟﻤﺒﮯ ﻋﺮﺻﮯ ﺗﮏ ﮐﺎﻡ ﮐﺮﻧﮯ ﮐﯽ ﭨﮭﺎﻥ ﻟﯽ۔ ﺍﺩﮬﺮ ﻋﻼﻣﮧ ﺍﻗﺒﺎﻝ ؒ ﮐﮯ ﺧﻮﺍﺏ ﮐﻮ 1940 ﺀ ﻣﯿﮟ ﻗﺮﺍﺭﺩﺍﺩ ﭘﺎﮐﺴﺘﺎﻥ ﮐﯽ ﻣﻨﻈﻮﺭﯼ ﮐﯽ ﺻﻮﺭﺕ ﻣﯿﮟ ﺍﯾﮏ ﺗﻌﺒﯿﺮ ﻣﻞ ﮔﺌﯽ، ﺩﻭﺳﺮﯼ ﺗﻌﺒﯿﺮ 1947 ﺀ ﻣﯿﮟ ﻗﯿﺎﻡ ﭘﺎﮐﺴﺘﺎﻥ ﺳﮯ ﻣﻠﯽ۔ ﻣﻮﻻﻧﺎ ﻣﻮﺩﻭﺩﯼ ؒ ﻧﮯ ﺍﻟﺒﺘﮧ ﺍﭘﻨﺎ ﺳﻔﺮ ﺟﺎﺭﯼ ﺭﮐﮭﺎ۔ ﻭﮦ ﭘﺎﮐﺴﺘﺎﻥ ﮐﻮ ﻋﻼﻣﮧ ﺍﻗﺒﺎﻝ ؒ ﮐﮯ ﺧﻮﺍﺏ ﮐﺎ ﺣﻘﯿﻘﯽ ﻋﮑﺎﺱ ﺑﻨﺎﻧﮯ ﻣﯿﮟ ﻟﮕﮯ ﺭﮨﮯ۔ ﻣﺴﺘﻘﻞ ﻣﺰﺍﺟﯽ ﮨﻮ ﺗﻮ ﺍﯾﺴﯽ۔

ﻣﻮﻻﻧﺎ ﻣﻮﺩﻭﺩﯼ ؒ ﻧﮯ ﺍﯾﮏ ﺟﻤﺎﻋﺖ ﻗﺎﺋﻢ ﮐﯽ۔ ﺟﺲ ﮐﺎ ﻣﻘﺼﺪ ﺍﷲ ﮐﯽ ﺯﻣﯿﻦ ﭘﺮ ﺍﷲ ﮐﯽ ﺣﮑﻤﺮﺍﻧﯽ ﻗﺮﺍﺭ ﺩﯾﺎ۔ ﺍﻥ ﮐﯽ ﻗﺎﺋﻢ ﮐﺮﺩﮦ ﺟﻤﺎﻋﺖ ﺳﮯ ﮐﻮﺋﯽ ﺟﺘﻨﺎ ﺍﺧﺘﻼﻑ ﮐﺮﮮ، ﻟﯿﮑﻦ ﯾﮧ ﺍﯾﮏ ﺣﻘﯿﻘﺖ ﮨﮯ ﮐﮧ ﻭﮦ ﺍﭘﻨﮯ ﻭﻗﺖ ﮐﯽ ﺁﻭﺍﺯ ﺗﮭﯽ۔ ﯾﮧ ﻣﺴﻠﻢ ﺩﻧﯿﺎ ﮐﯽ ﺍﯾﮏ ﺍﯾﺴﯽ ﻣﺜﺎﻟﯽ ﺟﻤﺎﻋﺖ ﺗﮭﯽ، ﺟﺲ ﻣﯿﮟ ﻟﻮﮒ ﻣﻘﺼﺪ ﮐﻮ ﺳﻤﺠﮫ ﮐﺮ ﺍﻭﺭ ﺍﺱ ﺳﮯ ﮨﻢ ﺁﮨﻨﮓ ﮨﻮ ﮐﺮ ﺷﺎﻣﻞ ﮨﻮﺗﮯ ﺗﮭﮯ۔ ﺍﺱ ﮐﮯ ﻟﯿﮯ ﻣﻮﻻﻧﺎ ﻣﻮﺩﻭﺩﯼ ؒ ﻧﮯ ﺑﮯ ﻣﺜﺎﻝ ﻟﭩﺮﯾﭽﺮ ﺗﺨﻠﯿﻖ ﮐﯿﺎ۔

ﻣﻮﻻﻧﺎ ﻣﻮﺩﻭﺩﯼ ؒ ﻧﮯ ﺟﺐ ﯾﮧ ﺩﯾﮑﮭﺎ ﮐﮧ ﻗﺮﺁﻥ ﺳﮯ ﺍﻣّﺖ ﻣﯿﮟ ﺩﻭﺭﯼ ﺑﮍﮬﺘﯽ ﺟﺎ ﺭﮨﯽ ﮨﮯ ﺗﻮ ﺍﺱ ﮐﯽ ﻭﺟﻮﮨﺎﺕ ﭘﺮ ﻏﻮﺭ ﮐﯿﺎ ۔ ﺍﻧﮩﯿﮟ ﺍﺩﺭﺍﮎ ﮨﻮﺍ ﮐﮧ ﻟﻮﮒ ﻗﺮﺁﻥ ﮐﯽ ﺯﺑﺎﻥ ﺳﮯ ﻧﺎﺑﻠﺪ ﮨﯿﮟ ﺍﺱ ﮐﮯ ﺗﺮﺍﺟﻢ ﺍﻭﺭ ﺗﻔﺎﺳﯿﺮ ﺍﻧﮩﯿﮟ ﻗﺮﺁﻥ ﮐﻮ ﺳﻤﺠﮭﺎﻧﮯ ﮐﯽ ﺑﺠﺎﺋﮯ ﺍﺳﮯ ﺩﺷﻮﺍﺭ ﺑﻨﺎ ﮐﺮ ﭘﯿﺶ ﮐﺮﺗﮯ ﮨﯿﮟ۔ ﺍﺱ ﮐﮯ ﻟﯿﮯ ﺍﻧﮩﻮﮞ ﻧﮯ ﻗﺮﺁﻥ ﮐﺎ ﺗﺮﺟﻤﮧ ﻧﮩﯿﮟ ﺑﻠﮑﮧ ﺗﺮﺟﻤﺎﻧﯽ ﮐﯽ ﺭﺍﮦ ﺍﭘﻨﺎﺋﯽ ﺍﻭﺭ ﺗﯿﺲ ﺳﺎﻟﮧ ﻣﺤﻨﺖ ﺳﮯ 6 ﺟﻠﺪﻭﮞ ﭘﺮ ﻣﺸﺘﻤﻞ ﺍﯾﮏ ﺷﺎﮨﮑﺎﺭ ﺗﻔﺴﯿﺮ ’’ ﺗﻔﮩﯿﻢ ﺍﻟﻘﺮﺁﻥ ‘‘ ﮐﮯ ﻧﺎﻡ ﺳﮯ ﻟﮑﮫ ﮈﺍﻟﯽ۔ ﺍﺱ ﺗﻔﺴﯿﺮ ﻣﯿﮟ ﺍﻧﮩﻮﮞ ﻧﮯ ﻋﺮﺑﯽ ﻣﺒﯿﻦ ﮐﻮ ﺍُﺭﺩﻭ ﺋﮯ ﻣﺒﯿﻦ ﻣﯿﮟ ﻣﻨﺘﻘﻞ ﮐﺮﻧﮯ ﮐﯽ ﮐﻮﺷﺶ ﮐﯽ۔ ﺍﻣﺖ ﻣﺴﻠﻤﮧ ’’ ﭘﺪﺭﻡ ﺳﻠﻄﺎﻥ ﺑُﻮﺩ ‘‘ ﮐﮯ ﺭﻭّﯾﮯ ﮐﺎ ﻣﻈﺎﮨﺮﮦ ﮐﺮ ﺭﮨﯽ ﺗﮭﯽ۔ ﮨﺎﺗﮫ ﭘﺮ ﮨﺎﺗﮫ ﺩﮬﺮﮮ ﮐﺴﯽ ﻣﻌﺠﺰﮮ ﺍﻭﺭ ﺍﻣﺎﻡ ﻣﮩﺪﯼ ؑﮐﯽ ﻣﻨﺘﻈﺮ ﺭﮨﺘﯽ ﺗﮭﯽ ﺍﻭﺭ ﺍﺏ ﺑﮭﯽ ﮨﮯ۔ ﻓﻀﺎﺋﮯ ﺑﺪﺭ ﭘﯿﺪﺍ ﮐﺮﻧﺎ ﻣﺸﮑﻞ ﺩﮐﮭﺎﺋﯽ ﺩﯾﺘﺎ ﺗﮭﺎ ﺍﻭﺭ ﺩﯾﺘﺎ ﮨﮯ۔ ﻣﻮﻻﻧﺎﻣﻮﺩﻭﺩﯼؒ ﻧﮯ ﺗﺠﺪﯾﺪﻭ ﺍﺣﯿﺎﺋﮯ ﺩﯾﻦ ، ﺗﻔﮩﯿﻤﺎﺕ ﺍﻭﺭ ﺧﻼﻓﺖ ﻭ ﻣﻠﻮﮐﯿّﺖ ﺍﯾﺴﯽ ﺷﺎﮨﮑﺎﺭ ﺗﺼﺎﻧﯿﻒ ﮐﮯ ﺫﺭﯾﻌﮯ ﺍﺳﯽ ﻣﺮﺽ ﮐﮩﻦ ﮐﺎ ﻋﻼﺝ ﮐﺮﻧﮯ ﮐﯽ ﮐﻮﺷﺶ ﮐﯽ۔ ﺗﺠﺪﯾﺪﻭ ﺍﺣﯿﺎﺋﮯ ﺩﯾﻦ ﺍﻭﺭ ﺧﻼﻓﺖ ﻭ ﻣﻠﻮﮐﯿﺖ ﭘﺮ ﺑﮩﺖ ﻟﮯ ﺩﮮ ﮨﻮﺋﯽ ﮐﮧ ﻭﮦ ﺭﻭﺍﯾﺘﯽ ﻓﮑﺮ ﺳﮯ ﮨﺠﺮﺕ ﺗﮭﯽ۔ ﺍﯾﮏ ﻏﯿﺮ ﻣﻮﻻﻧﺎ ﻧﮯ ﮐﺌﯽ ﻣﻮﻻﻧﺎﺅﮞ ﺳﮯ ﺑﮭﯽ ﺑﮍﮪ ﮐﺮ ﮐﺎﻡ ﮐﺮ ﺩﯾﺎ ﺗﮭﺎ۔ ﺭﻭﺍﯾﺘﯽ ﻣﻮﻻﻧﺎ ﺍﺳﮯ ﮐﯿﺴﮯ ﺑﺮﺩﺍﺷﺖ ﮐﺮ ﺳﮑﺘﮯ ﺗﮭﮯ؟ ﺍﻥ ﭘﺮ ﮨﺮ ﻃﺮﺡ ﺳﮯ ﺗﻨﻘﯿﺪ ﮐﯽ ﮔﺌﯽ، ﺩُﺷﻨﺎﻡ ﻃﺮﺍﺯﯼ ﮐﯽ ﮔﺌﯽ، ﺟﻮ ﺷﺨﺺ ﺍﭘﻨﮯ ﻣﺨﺎﻟﻔﯿﻦ ﮐﻮ ﺻﺎﺣﺐ ﮐﮯ ﻋﻼﻭﮦ ﮐﺴﯽ ﻃﺮﺡ ﺑﮭﯽ ﻣﺨﺎﻃﺐ ﻧﮧ ﮐﺮﺗﺎ ﺗﮭﺎ، ﺍﺱ ﭘﺮ ﺻﺤﺎﺑۂ ﮐﺮﺍﻡ ؓ ﮐﯽ ﺗﻮﮨﯿﻦ ﮐﺎ ﮔﮭﻨﺎﺅﻧﺎ ﺍﻟﺰﺍﻡ ﻟﮕﺎ ﺩﯾﺎ ﮔﯿﺎ۔ ﺣﺘﯽٰ ﮐﮧ ﺗﻮﮨﯿﻦ ﺍﻧﺒﯿﺎﺀ ﮐﺮﺍﻡ ؑ ﮐﺎ ﺍﻟﺰﺍﻡ ﺑﮭﯽ ﻟﮕﺎﯾﺎ ﮔﯿﺎ۔ ﻣﻮﻻﻧﺎ ﻣﻮﺩﻭﺩﯼ ؒ ﻧﮯ ﯾﮧ ﺳﺐ ﮐﭽﮫ ﺑﺮﺩﺍﺷﺖ ﮐﯿﺎ ﻟﯿﮑﻦ ﮐﺒﮭﯽ ﺻﺒﺮ ﮐﺎ ﺩﺍﻣﻦ ﮨﺎﺗﮫ ﺳﮯ ﻧﮧ ﭼﮭﻮﮌﺍ۔

ﻣﻮﻻﻧﺎ ﻣﻮﺩﻭﺩﯼ ؒ ﮐﯽ ﺯﻧﺪﮔﯽ ﮐﺌﯽ ﻣﺮﺍﺣﻞ ﺳﮯ ﮔﺰﺭﯼ۔ ﮐﺒﮭﯽ ﺍﻥ ﮐﮯ ﺳﺎﺗﮫ ﮔﻨﺘﯽ ﮐﮯ ﭼﻨﺪ ﻟﻮﮒ ﮨﻮﺗﮯ ﺗﮭﮯ ﺍﻭﺭ ﮐﺒﮭﯽ ﻻﮐﮭﻮﮞ ﮐﺎ ﻣﺠﻤﻊ۔ ﮐﺒﮭﯽ ﻣﯿﻠﻮﮞ ﻟﻤﺒﮯ ﺟﻠﻮﺱ ﮨﻮﺗﮯ ﺗﮭﮯ ﺍﻭﺭ ﮐﺒﮭﯽ ﮔﻨﮯ ﭼﻨﮯ ﭼﻨﺪ ﺍﻓﺮﺍﺩ۔ ﻣﻮﻻﻧﺎ ﻣﻮﺩﻭﺩﯼ ؒ ﻗﻠﺖ ﻭ ﮐﺜﺮﺕ ﺳﮯ ﻣﺘﺎﺛﺮ ﻧﮧ ﮨﻮﺗﮯ ﺗﮭﮯ ﺍﺱ ﻟﯿﮯ ﮐﮧ ﻭﮦ ﺍﻓﺮﺍﺩ ﺳﺎﺯ ﺗﮭﮯ، ﺭﻭﺍﯾﺖ ﺳﺎﺯ ﺗﮭﮯ ، ﺍﻧﮩﯿﮟ ﻗﻠﺖ ﻭ ﮐﺜﺮﺕ ﺳﮯ ﮐﯿﺎ ﻟﯿﻨﺎ ﺩﯾﻨﺎ؟

ﺧﺘﻢ ﻧﺒﻮﺕ ؐ ﮐﮯ ﻣﺴﺌﻠﮯ ﭘﺮ ﺍﻧﮩﯿﮟ ﺳﺰﺍﺋﮯ ﻣﻮﺕ ﺳﻨﺎﺋﯽ ﮔﺌﯽ، ﻣﺠﺎﻝ ﮨﮯ ﮐﮧ ﺟﺒﯿﮟ ﭘﺮ ﮐﻮﺋﯽ ﺷﮑﻦ ﺑﮭﯽ ﺁﺋﯽ ﮨﻮ۔ ﺻﺮﻑ ﺍﺗﻨﺎ ﮐﮩﺎ ﮐﮧ ﺯﻧﺪﮔﯽ ﺩﯾﻨﮯ ﻭﺍﻻ ﺍﺳﮯ ﺑﭽﺎ ﺑﮭﯽ ﺳﮑﺘﺎ ﮨﮯ ﺍﻭﺭ ﯾﮩﯽ ﮨﻮﺍ ﺍﻧﮩﯿﮟ ﺍﻥ ﮐﮯ ﺭﺏ ﮐﺮﯾﻢ ﻧﮯ ﺳﺰﺍﺋﮯ ﻣﻮﺕ ﺳﮯ ﺑﭽﺎ ﻟﯿﺎ۔

ﮔﺬﺷﺘﮧ ﺩﻧﻮﮞ ﺍﺱ ﻭﻗﺖ ﻣﻮﻻﻧﺎ ﻣﻮﺩﻭﺩﯼ ؒ ﺣﻘﯿﻘﯽ ﻃﻮﺭ ﭘﺮ ﺑﮩﺖ ﯾﺎﺩ ﺁﺋﮯ ﺟﺐ ﺍﯾﮏ ﻋﻼﻣﮧ ﺻﺎﺣﺐ ﻧﮯ ﺑﮭﺮﯼ ﻣﺤﻔﻞ ﻣﯿﮟ ﺍﯾﮏ ﻣﻮﻗﻒ ﺑﯿﺎﻥ ﮐﯿﺎ ﻟﯿﮑﻦ ﺩﻭﺳﺮﮮ ﺩﻥ ﺗﻨﻘﯿﺪ ﮐﯽ ﺗﺎﺏ ﻧﮧ ﻻﺗﮯ ﮨﻮﺋﮯ ﮐﮩﺎ ﮐﮧ ﺍﻧﮩﻮﮞ ﻧﮯ ﺟﻮ ﺑﺎﺕ ﮐﮩﯽ ﺗﮭﯽ ﻭﮦ ﻣﺤﺾ ﻣﺬﺍﻕ ﺗﮭﺎ۔ ﻣﻮﻻﻧﺎ ﻣﻮﺩﻭﺩﯼ ؒ ﮐﮯ ﮨﺎﮞ ﻣﺆﻗﻒ ﺑﺪﻟﻨﮯ ﮐﯽ ﺍﺱ ﻃﺮﺡ ﮐﯽ ﮐﻮﺋﯽ ﻣﺜﺎﻝ ﮐﻢ ﮨﯽ ﻣﻠﮯ ﮔﯽ۔ ﺑﻼﺷﺒﮧ ﺍﻧﮩﻮﮞ ﻧﮯ ﺳﯿﺎﺳﯽ ﺍﻋﺘﺒﺎﺭ ﺳﮯ ﺣﮑﻤﺖ ِ ﻋﻤﻠﯽ ﺗﺒﺪﯾﻞ ﮐﯽ، ﺍﻧﺘﺨﺎﺑﺎﺕ ﮐﮯ ﺧﻼﻑ ﺭﮨﮯ، ﻟﯿﮑﻦ ﺑﻌﺪ ﻣﯿﮟ ﺍﻧﺘﺨﺎﺑﺎﺕ ﻣﯿﮟ ﺣﺼﮧ ﻟﯿﺎ۔ ﺗﺎﮨﻢ ﺣﮑﻤﺖ ﻋﻤﻠﯽ ﮐﯽ ﺗﺒﺪﯾﻠﯽ ﺍﻭﺭ ﺍﺩﻟﺘﮯ ﺑﺪﻟﺘﮯ ﻣﺆﻗﻒ ﻣﯿﮟ ﺑﮍﺍ ﻓﺮﻕ ﮨﻮﺗﺎ ﮨﮯ۔ ﺭﺍﺕ ﮔﺌﯽ ﺑﺎﺕ ﮔﺌﯽ ﻭﺍﻟﯽ ﺑﺎﺕ ﻣﻮﻻﻧﺎ ﻣﻮﺩﻭﺩﯼ ؒ ﮐﮯ ﮨﺎﮞ ﻧﮧ ﺗﮭﯽ۔

22 ﺳﺘﻤﺒﺮ 1979 ﺀ ﮐﻮ ﺍﯾﮏ ﺳﻮﺭﺝ ﮈﻭﺏ ﮔﯿﺎ۔ ﻣﻮﻻﻧﺎ ﻣﻮﺩﻭﺩﯼؒ ﮐﺎ ﻭﺻﺎﻝ ﮨﻮ ﮔﯿﺎ، ﻟﯿﮑﻦ ﺗﮧ ﺧﺎﮎ ﻭﮦ ﺳﻮﺭﺝ ﮨﻤﯿﺸﮧ ﺭﻭﺷﻦ ﺭﮨﮯ ﮔﺎ۔