ماگام، 10 ستمبر: حکام نے جمعرات کو بتایا کہ ضلع بڈگام کے ماگام علاقے کے چیچلورا میں جمکش وہیکلز کے قریب جمعرات کو ایک 47 سالہ بس ڈرائیور اپنی بس کے اندر مردہ پایا گیا۔
ایک عہدیدار نے خبر رساں ایجنسی کشمیر نیوز آبزرور کو بتایا کہ ڈرائیور ناربل۔ٹنگمرگ شاہراہ پر چیچلورا میں جمکش وہیکلز کے قریب اپنی بس کے اندر بے ہوشی کی حالت میں پایا گیا۔
عہدیدار کے مطابق اسے فوری طور پر اسپتال منتقل کیا گیا، جہاں ڈاکٹروں نے معائنے کے بعد اسے مردہ قرار دے دیا۔بعد ازاں متوفی کی شناخت مشتاق احمد شیخ (47) ساکن گامرو بانڈی پورہ کے طور پر ہوئی۔
دریں اثنا، واقعے کے سلسلے میں تحقیقات شروع کر دی گئی ہیں۔
(کے این او)
