سری نگر: وادی کشمیر کو ملک کے باقی حصوں کے ساتھ جوڑنے والی سری نگر – جموں قومی شاہراہ، مغل روڈ اور سری نگر – لیہہ شاہراہ پر ہفتے کو مسلسل دوسرے روز بھی ٹریفک کی نقل وحمل معطل ہے۔
واضح رہے کہ وادی میں گذشتہ روز بھاری برف باری سے مذکورہ شاہراہوں پر ٹریفک کی نقل و حمل معطل کر دی گئی تھی۔
حکام نے لوگوں سے کہا ہے کہ وہ مکمل طور پر بحال اور انہیں ٹریفک کے لئے محفوظ قرار دئے جانے تک ان شاہراہوں پر سفر کرنے سے گریز کریں۔
ٹریفک حکام نے ہفتے کو بتایا کہ سری نگر- جموں قومی شاہراہ، مغل روڈ اور سری نگر – لیہہ شاہراہ ہنوز بند ہیں۔
انہوں نے لوگوں سے کہا ہے کہ وہ مکمل طور پر بحال اور انہیں ٹریفک کے لئے محفوظ قرار دئے جانے تک ان شاہراہوں پر سفر کرنے سے گریز کریں۔
لوگوں سے کہا گیا ہے کہ وہ افواہوں پر کان نہ دھریں بلکہ شاہراہوں کے متعلق تازہ جانکاری حاصل کرنے کے لئے ٹریفک پولیس کے ٹویٹر ہینڈل، فیئس بک پیج کے ساتھ ساتھ متعقلہ ٹریفک کنٹرول یونٹوں کے ساتھ رابطہ کریں۔
