سرینگر، : حکام نے جمعرات کو بتایا کہ احتیاطی اقدام کے طور پر برف جمنے کی وجہ سے ڈکسُم۔سنتھن سڑک کو آمد و رفت کے لیے بند کر دیا گیا ہے۔
نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ کے ایک عہدیدار نے جی این ایس کو بتایا کہ سڑک کی سطح پر برف جمنے کے باعث عوامی سلامتی کے پیش نظر ڈکسُم۔سنتھن سڑک کو ہر قسم کی گاڑیوں کی آمد و رفت کے لیے بند کیا گیا ہے۔
حکام کے مطابق موجودہ برفیلی صورتحال کے سبب سڑک انتہائی پھسلن زدہ ہو چکی ہے، جس کے باعث اس پر سفر کرنا غیر محفوظ ہے۔
انہوں نے مزید کہا کہ صورتحال پر قابو پانے اور محفوظ ٹریفک کی بحالی کے لیے اس وقت سڑک پر نمک اور یوریا کا چھڑکاؤ کیا جا رہا ہے۔ (جی این ایس)
