ہفتہ, نومبر ۲۹, ۲۰۲۵
13.9 C
Srinagar

پلوامہ میں منشیات فروش گرفتار، چرس جیسا مواد بر آمد:پولیس

سری نگر: منشیات کے خلاف کریک ڈائون کو وسیع پیمانے پر جاری رکھتے ہوئے پلوامہ پولیس نے ایک منشیات فروش کو گرفتارکرکے اس کی تحویل سے چرس جیسا ممنوعہ مواد بر آمد کیا ہے۔ایک پولیس ترجمان نے اپنے ایک بیان میں کہا کہ پلوامہ پولیس کی ایک ٹیم نے ناکے پر ایک الٹو 800 گاڑی زیر رجسٹریشن نمبرJK13A 8847 کو روکا جو بنڈزو سے نیوا کی طرف جا رہی تھی۔

انہوں نے کہا کہ تلاشی کے دوران گاڑی کے ڈرائیور کی تحویل سے چرس جیسے مواد کی 4 چھڑیاں بر آمد کی گئیں جس کے بعد اس کو موقع پر ہی گرفتار کیا گیا اور گاڑی کو بھی ضبط کیا گیا۔ملزم کی شناخت شبیر احمد تیلی ولد غلام حسن تیلی ساکن دربہ گام کے طور پر کی گئی ہے۔

پولیس ترجمان نے بتایا کہ اس سلسلے میں پولیس اسٹیشن پلوامہ میں این ڈی پی ایس ایکٹ کے متعلقہ دفعات کے تحت زیر ایف آئی نمبر 278/2025 ایک مقدمہ درج کیا گیا اور مزید تحقیقات شروع کی گئیں۔ انہوں نے لوگوں سے منشیات سے متعلق کسی بھی سرگرمی کے بارے میں پولیس کو مطلع کرنے کی تاکید کی۔

Popular Categories

spot_imgspot_img