جموں: جموں و کشمیر کے لیفٹیننٹ گورنر منوج سنہا نے ہفتے کو ضلع رام بن میں 18 کروڑ روپیوں کی لاگت سے 189 مکانات کی تعمیر نو کا سنگ بنیاد رکھا جو اپریل اور اگست کے سیلاب کے دوران مکمل طور پر تباہ ہو گئے تھے۔انہوں نے کہا کہ یہ نئے گھر سیلاب سے متاثرہ خاندانوں کی زندگیوں میں استحکام پیدا کریں گے اور معاشرے کی مجموعی ترقی میں اپنا حصہ ڈالیں گے۔
لیفٹیننٹ گورنر نے ‘ایکس’ پر اپنے ایک پوسٹ میں کہا: ‘ آج رام بن میں 18 کروڑ روپیوں کی لاگت سے 189 مکانات کی تعمیر نو کا سنگ بنیاد رکھا۔ یہ گھر اپریل اور اگست کے سیلاب کے دوران مکمل طور پر تباہ ہو گئے تھے’۔انہوں نے کہا: ‘ اور ایچ آر ڈی ایس – انڈیا کی مدد سے، مخصوص تکنیکوں کو استعمال کیا جائے گا تاکہ رام دہ، مضبوط اور زیادہ لچکدار گھر بنائے جائیں’۔
ان کا کہنا ہے کہ یہ نئے گھر سیلاب سے متاثرہ خاندانوں کی زندگیوں میں استحکام پیدا کریں گے اور معاشرے کی مجموعی ترقی میں اپنا حصہ ڈالیں گے۔انہوں نے مزید کہا کہ سماجی اور معاشی انصاف کو یقینی بنانے اور جموں و کشمیر کے مستقبل کو محفوظ بنانے کے لیے سماجی عدم توازن اور تفاوت کو ختم کرنا ہمارا عزم ہے۔
