سری نگر: معاشرے سے منشیات کی بیخ کنی کے لئے جاری مہم میں گاندربل پولیس ایک منشیات کو گرفتار کرکے اس کی تحویل سے بھاری مقدار میں ممنوعہ مواد بر آمد کیا ہے۔ایک پولیس ترجمان نے اپنے ایک بیان میں کہا کہ پولیس اسٹیشن گاندربل کی ایک ٹیم نے وائل پل پر ناکے کے دوران ایک شخص کو روکا۔
انہوں نے کہا کہ تلاشی کے دوران اس کی تحویل سے بڑی مقدار میں بھنگ پتری جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔ملزم کی شناخت گلزار اشرف خان ولد محمد اشرف خان ساکن بدرکنڈ گاندربل کے طور پر کی گئی۔
پولیس ترجمان نے بتایا کہ اس ضمن میں پولیس اسٹیشن گاندربل میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر196/2025 ایک مقدمہ درجہ کیا گیا اور مزید تحقیقات شروع کی گئیں۔
انہوں نے کہا کہ پولیس ضلع سے منشیات کے خاتمے کے لئے پر عزم ہے۔
