سری نگر: وادی کشمیر میں خشک موسم کے بیچ شبانہ درجہ حرارت نقطہ انجماد سے مسلسل نیچے ریکارڈ ہونے کی وجہ سے ٹھٹھرتی سردیوں کا زور تھمنے کا نام ہی نہیں لے رہا ہے جس نے اہلیان وادی کو گوناگوں مشکلات سے دوچار کر دیا ہے۔
کشمیر محکمہ موسمیات کے مطابق وادی میں جنوبی کشمیر کے پلوامہ اور شوپیاں اضلاع سرد ترین علاقے رہے ہیں جہاں کم از کم درجہ حرارت بالترتیب منفی5.0 ڈگری سینٹی گریڈ اور منفی5.4 ڈگری سینٹی گریڈ ریکارڈ ہوا ہے۔
وادی کے مشہور سیاحتی مقام پہلگام میں کم از کم درجہ حرارت منفی4.4 ڈگری سینٹی گریڈ جبکہ گلمرگ میں شبانہ درجہ حرارت منفی 1.2ڈگری سینٹی گریڈ ریکارڈ ہوا ہے۔گرمائی دارلحکومت سری نگر میں کم از کم درجہ حرارت منفی3.1 ڈگری سینٹی گریڈ جبکہ سری نگر ہوائی اڈے پر شبانہ درجہ حرارت منفی4.2 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم ازکم درجہ حرارت منفی3.4 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم ازکم درجہ حرارت منفی3.0 ڈگری سینٹی گریڈ ریکارڈ ہو ہے۔شمالی کشمیر کے بارہمولہ اور بانڈی پورہ اضلاع میں کم از کم درجہ حرارت باترتیب منفی4.3 ڈگری سینٹی گریڈ اور منفی3.8 ڈگری سینٹی گریڈ ریکارڈ ہوا ہے۔
وسطی کشمیر کے بڈگام اور گاندربل اضلاع میں کم از کم درجہ حرارت بالترتیب منفی3.7 ڈگری سینٹی گریڈ اور منفی2.4 ڈگری سینٹی گریڈ ریکارڈ ہوا ہے۔مرکزی زیر انتظام علاقہ لداخ کے لیہہ اور کرگل اضلاع میں کم از کم درجہ حرارت بالترتیب منفی8.5 ڈگری سینٹی گریڈ اور منفی8.8 ڈگری سینٹی گریڈ ریکارڈ ہوا ہے۔
محکمہ موسمیات کے مطابق وادی میں 10 دسمبر تک موسم میں کسی بڑی تبدیلی کا کوئی امکان نہیں ہے۔
