سری نگر :مرکزی زیر انتظام علاقہ لداخ کے ضلع لیہہ میں پیر کی رات زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے۔
ریکٹر اسکیل پر زلزلے کی شدت4.5 ریکارڈ ہوئی ہے جبکہ اس کی زیر زمین گہرائی 10 کلو میٹر تھی۔
نیشنل سینٹر فار سیسمالوجی کے مطابق لیہہ میں پیر کی رات 10 بج کر 13 منٹ پر زلزلہ آیا۔
انہوں نے کہا کہ ریکٹر اسکیل پر زلزلے کی شدت 4.5 ریکارڈ ہوئی ہے جبکہ اس کی زیر زمین گہرائی 10 کلو میٹر تھی۔
تاہم زلزلے سے کسی جانی یا مالی نقصان کی کوئی اطلاع نہیں ہے۔
واضح رہے کہ یہ لیہہ میں گذشتہ 5 دنوں کے دوران آنے والا دوسرا زلزلہ ہے۔
قبل ازیں لیہہ ضلع میں 9 اکتوبر کی دوپہر زلزلے کے جھٹکے محسوس کئے گئے۔
ریکٹر اسکیل پر اس زلزلے کی شدت4.3 ریکارڈ ہوئی ہے جبکہ اس کی زیر زمین گہرائی 10 کلو میٹر تھی۔
