کٹھوعہ میں 2 منشیات فروش گرفتار، ہیروئن جیسا مواد بر آمد: پولیس

جموں، : منشیات کے خلاف کریک ڈائون کو مزید سخت کرتے ہوئے جموں و کشمیر پولیس نے ضلع کٹھوعہ میں الگ الگ کارروائیوں کے دوران 2 منشیات فروشوں کو گرفتار کرکے ان کی تحویل سے تقریباً 17.35 گرام ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں بتایا کہ پولیس اسٹیشن راج باغ کی ایک ٹیم نے ناکہ چیکنگ پر ایک مشتبہ شخص کو روکا۔
انہوں نے کہا کہ تلاشی کے دوران اس کی تحویل سے تقریباً 8.55 گرام ہیروئن جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔
گرفتار شدہ کی شناخت حبیب عرف بھیو ولد کریم دین ساکن رام کوٹ بلور کٹھوعہ کے طور پر ہوئی ہے۔
پولیس ترجمان نے بتایا کہ اس سلسلے میں پولیس اسٹیشن راج باغ میں این ڈی پی ایس ایکٹ کے تحت زیر ایف آئی آر نمبر179/2025 ایک مقدمہ درج کیا گیا اور مزید تحقیقات شروع کی گئیں۔
اسی طرح کی ایک اور کارروائی کے دوران پولیس پوسٹ مرہین کی ایک ٹیم نے ایک اور منشیات فروش کو گرفتار کیا۔
پولیس ترجمان نے بتایا کہ ایک مصدقہ اطلاع پر کارروائی کرتے ہوئے پولیس پوسٹ مرہین کی ایک ٹیم نے ایک مشتبہ شخص کو دھر لیا۔
انہوں نے کہا کہ تلاشی کے دوران اس کی تحویل سے تقریباً 8.80 گرام ہیروئن جیسا ممنوعہ مواد بر آمد کیا گیا جس کے بعد اس کو بر سر موقع ہی گرفتار کیا گیا۔
گرفتار شدہ کی شناخت شوکت علی ولد محمد شفیع ساکن خانپورہ کٹھوعہ کے طور پر ہوئی ہے۔
پولیس ترجمان نے بتایا کہ اس ضمن میں پولیس اسٹیشن راج باغ میں این ڈی پی ایس ایکٹ کے تحت زیر ایف آئی آر نمبر178/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ اس طرح دو منشیات فروشوں کو گرفتار کیا گیا اور ان کی تحول سے تقریباً17.35 گرام ہیروئن جیسا مواد بر آمد کرکے ضبط کیا گیا۔