نئی دہلی، :تیل مارکیٹنگ کمپنیوں نے بدھ کے روز سے کمرشل ایل پی جی (رسوئی گیس) سلنڈر کی قیمتوں میں اضافہ کر دیا ہے۔ قومی دارالحکومت دہلی میں آج سے 19 کلوگرام والے کمرشل ایل پی جی سلنڈر کی قیمت میں 15.50 روپے کا اضافہ ہوا ہے۔ جبکہ 14.2 کلوگرام والے گھریلو ایل پی جی سلنڈر کی قیمتوں میں کوئی تبدیلی نہیں کی گئی ہے۔ اس سے قبل مارچ 2024 کے بعد مسلسل چھ بار کمرشل ایل پی جی سلنڈرز کی قیمتوں میں کمی کی گئی تھی۔
انڈین آئل کارپوریشن (ملک کی سب سے بڑی آئل مارکیٹنگ کمپنی) کی ویب سائٹ کے مطابق: دہلی میں اب کمرشل ایل پی جی سلنڈر کی قیمت 1,580 روپے سے بڑھ کر 1,595.50 روپے، ممبئی میں 15.50 روپے بڑھ کر 1,547 روپے۔ کولکاتا اور چنئی میں قیمت میں 16.50 روپے ۔ کولکاتا: نئی قیمت 1,700.50 روپے، چنئی: نئی قیمت 1,754.50 روپے بالترتیب ہیں۔
گھریلو رسوئی گیس سلنڈر کی قیمتوں میں کوئی تبدیلی نہیں کی گئی ہے: دہلی: 853، کولکاتا 879، ممبئی 852.50 ۔ چنئی 868.50 روپے بالترتیب ہیں۔
جیٹ ایندھن کی قیمتوں میں تین فیصد سے زیادہ کا اضافہ
تیل مارکیٹنگ کمپنیوں نے بدھ سے جیٹ ایندھن کی قیمتوں میں تین فیصد سے زیادہ کا اضافہ کیا۔ملک کی سب سے بڑی آئل مارکیٹنگ کمپنی انڈین آئل کارپوریشن کی ویب سائٹ کے مطابق دہلی میں جیٹ ایندھن کی قیمت میں آج سے 3,053.61 روپے (3.37 فیصد) کا اضافہ کیا گیا ہے۔ ایک کلو لیٹر جیٹ فیول کی قیمت اب 93,766.02 روپے ہوگئی ہے۔ اس سے پہلے ستمبر میں یہ 90,713.41 روپے فی کلو لیٹر تھی۔
اسی طرح ممبئی میں جیٹ ایندھن کی قیمت 2,881.56 روپے یعنی 3.07 فیصد بڑھ کر 87,714.39 روپے فی کلو لیٹر ہوگئی ہے۔
کولکاتہ میں جیٹ ایندھن 2,930.40 روپے (3.12 فیصد) مہنگا ہوا ہے۔ اس کی قیمت اب 96,816.58 روپے فی کلو لیٹر ہوگئی ہے۔
چنئی میں جیٹ ایندھن 3.35 فیصد مہنگا ہو کر 97,302.14 روپے فی کلو لیٹر ہو گیا ہے۔اس کے دام میں 3,150.18 روپے کا اضافہ کیا گیا ہے
یو این آئی
