سری نگر: جموں و کشمیر کے وزیر اعلیٰ عمر عبداللہ نے ہفتے کو جنوبی کشمیر کے ضلع اننت کے سیلاب متاثرہ علاقوں کا دورہ کیا اور وہاں متاثرہ کنبوں کے ساتھ بات چیت کی۔
انہوں نے یقین دلایا کہ حکومت آزمائش کی اس گھڑی میں متاثرین کے ساتھ کھڑی ہے اور ان کی مدد کے لیے ہر ممکن اقدامات کیے جائیں گے۔
اس دوران نائب وزیر اعلیٰ سریندر چودھری، وزیر تعلیم سکینہ یتو،قبائلی امور کے وزیر جاوید رانا، وزیر اعلیٰ کے مشیر ناصر اسلم اور متعلقہ ارکان اسمبلی وزیر اعلیٰ کے ہمراہ تھے۔
واضح رہے کہ حالیہ سیلاب سے جنوبی کشمیر کے ضلع اننت ناگ اور کولگام میں سیب باغوں کو بے تحاشا نقصان پہنچا ہے اور دھان و دیگر زرعی پید وار بھی تبای ہوئی ہے۔
وزیر اعلیٰ کے دفتر کے ‘ایکس’ ہینڈل پر ایک پوسٹ میں کہا گیا: ‘ وزیر اعلیٰ نے آج اننت ناگ ضلع کے سیلاب سے متاثرہ علاقوں کا دورہ کیا اور متاثرہ خاندانوں سے بات چیت کی۔’
پوسٹ میں کہا گیا: ‘انہوں نے یقین دلایا کہ حکومت آزمائش کی اس گھڑی میں ان کے ساتھ کھڑی ہے اور ان کی مدد کے لیے ہر ممکن اقدامات کیے جائیں گے’۔
پوسٹ کے مطابق نائب وزیر اعلیٰ سریندر چودھری، وزیر تعلیم سکینہ، یتو،قبائلی امور کے وزیر جاوید رانا، وزیر اعلیٰ کے مشیر ناصر اسلم اور متعلقہ ارکان اسمبلی وزیر اعلیٰ کے ہمراہ تھے۔
قابل ذکر ہے کہ وزیر اعلیٰ عمر عبداللہ نے جمعہ کی صبح سیلاب کے بعد کے منظر نامے کا جائزہ لینے کے لئے ایک اہم میٹنگ کی صدارت کی جس میں انہوں نے حساس مقامات کو مزید تقویت دینے، سیلاب زدہ دیہاتوں سے لوگوں کو نکالنے اور کنٹرول رومز کے ذریعے چوبیس گھنٹے نگرانی کرنے کی ہدایت دی۔
حکام کا کہنا ہے کہ انتظامیہ نے سیلاب سے ہونے والے نقصانات کے تخمینے کا عمل شروع کیا ہے۔
ایک سرکاری عہدیدار نے بتایا: ‘ہم تمام علاقوں سے نقصان کی تفصیلات جمع کر رہے ہیں۔ رپورٹ مکمل ہونے کے بعد حکومت کو بھیجی جائے گی اور اس کے بعد ریلیف اقدامات اٹھائے جائیں گے’
