سری نگر،: جنوبی کشمیر کے قصبہ پامپور کے لتربل علاقے میں گذشتہ روز دریائے جہلم میں غرقآب ہونے والے مزدور کی جمعرات کو مسلسل دوسرے روز بھی وسیع پیمانے پر تلاش جاری ہے۔
واضح رہے کہ پامپور کے لتربل علاقے میں بدھ کو کشتی الٹنے کے نتیجے میں ایک مزدور غرقآب ہوا تھا جس کی شناخت خورشید احمد بٹ ولد مشتاق احمد ساکن چک رنبیر پورہ دمہال کولگام کے طور پر ہوئی تھی۔
حکام نے بتایا کہ ایس ڈی آر ایف پلوامہ اور اونتی پورہ نے دریائے جہلم میں غرقآب ہونے والے شخص کی تلاش کے لئے جمعرات کی صبح مسلسل دوسرے دن آپریشن شروع کیا۔
انہوں نے کہا کہ خورشید احمد بٹ ولد مشتاق احمد ساکن چک رنبیر پورہ دمہال کولگام نامی شخص بدھ کو لتربل کے نزدیک دریائے جہلم میں ڈوب گیا تھا۔
