نئی دہلی،: وزیر اعظم نریندر مودی نے تقسیم ہند کی ہولناکی کے یادگاری دن پر ملک کی تاریخ کے سب سے المناک مراحل میں سے ایک کے دوران لاتعداد لوگوں کے ذریعہ برداشت کئے گئے بے پناہ مصائب کو سنجیدگی سے یاد کیا اور اپنی جانیں گنوانے والوں کو جذباتی خراج عقیدت پیش کیا۔
وزیر اعظم کے دفتر نے جمعرات کے روز یہاں کہا کہ وزیر اعظم نے تقسیم ہند کے مظالم سے متاثر ہونے والے لوگوں کی ہمت اور حوصلے کو جذباتی خراج عقیدت پیش کیا اور ناقابل تصور مصائب کا سامنا کرنے کے باوجود اپنی زندگیوں کو دوبارہ بحال کرنے کی طاقت حاصل کرنے کی ان کی صلاحیت کو سلام پیش کیا۔
مسٹر مودی نے سوشل میڈیا پلیٹ فارم ایکس پر ایک پوسٹ میں کہا، "ہندوستان تقسیم کی ہولناکیوں کا یادگاری دن مناتا ہے اور ہماری تاریخ کے اس المناک دور کے دوران لاتعداد لوگوں کے مظالم اور مصائب کو یاد کرتا ہے۔ یہ دن ان کی ہمت و حوصلے کو خراج تحسین پیش کرنے کا بھی ہے۔
یہ ناقابل تصور مصائب کا سامنا کرنے اور پھر بھی نئی شروعات کرنے کی طاقت حاصل کرنے کی ان کی صلاحیت کا احترام کرنے کا بھی دن ہے۔ متاثر ہونے والوں میں سے بہت سے لوگوں نے اپنی زندگیوں کو دوبارہ آباد کیا اور قابل ذکر کامیابیان حاصل کیں۔ ہم آہنگی کے بندھن کو مضبوط کرنے کی ہماری مستقل ذمہ داری ہے جو ہمارے ملک کو ایک دوسرے کے ساتھ باندھتے ہیں۔
واضح ر ہے کہ یہ دن ان لوگوں کی یاد میں منایا جاتا ہے جنہوں نے 1947 میں آزادی سے قبل ملک کی تقسیم کے ہولناک سانحے کے دوران اپنی جانیں گنوائیں اور تقسیم کا درد اٹھایا۔
یو این آئی
