سری نگر: محکمہ موسمیات کی پیش گوئی کے مطابق جموں و کشمیر میں اگلے 3 دنوں کے دوران گرج چمک کے ساتھ ہلکی سے درمیانی درجے کی بارشوں کا امکان ہے جبکہ اس دوران صوبہ جموں کے کچھ علاقوں میں شدید بارش متوقع ہیں۔
محکمے نے اپنی ایڈوائزری میں کہا کہ اس دوران کہیں کہیں سیلابی ریلے، لینڈ سلائیڈنگ اور پتھر کھسکنے کے بھی خطرات ہیں۔
ان علاقوں کے لوگوں سے کہا گیا ہے کہ وہ ندی نالوں اور دریاؤں کے نزدیک جانے سے پرہیزکریں۔
محکمہ موسمیات کے ایک ترجمان نے بتایا کہ جموں وکشمیر میں 12 سے 15 اگست تک موسم عام طور پر ابر آلود رہنے کا امکان ہے اور اس دوران ہلکی سے درمیانی درجے کی بارشیں متوقع ہیں۔
انہوں نے کہا کہ ان دنوں کے دوران صوبہ جموں کے کچھ علاقوں ریاسی، اودھم پور، جموں، سانبہ، ڈوڈہ اور راجوری میں خاص طور پر صبح اور شام کے وقت تیز بارشوں کا امکان ہے۔
محکمے نے اپنی ایڈوائزری میں کہا ہے کہ اس دوران کہیں کہیں گرج چمک کے ساتھ تیز ہوائیں چل سکتی ہیں۔
انہوں نے کہا کہ کہیں کہیں سیلابی ریلے، لینڈ سلائیڈنگ اور پتھر کھسکنے کے بھی خطرات ہیں۔
ایڈوائزری میں ان علاقوں کے لوگوں سے کہا گیا ہے کہ وہ ندی نالوں اور دریاؤں کے نزدیک جانے سے پرہیزکریں۔
