ڈھاکہ میں بنگلہ دیشی ایئر فورس کا تربیتی طیارہ گِرنے سے کم از کم 16 افراد ہلاک اور 100 سے زیادہ زخمی ہوئے ہیں۔ بنگلہ دیشی فوج کے شعبہ تعلقات عامہ آئی ایس پی آر کے مطابق ایئر فورس کا طیارہ ایف سیون بے جے آئی نے پیر کی دوپہر ایک بج کر چھ منٹ پر اڑان بھری تھی مگر یہ فوراً بے قابو ہو گیا اور سکول کی عمارت سے ٹکرایا۔
بنگلہ دیشی فوج کے شعبہ تعلقات عامہ آئی ایس پی آر کے مطابق ایئر فورس کا طیارہ ایف سیون بے جے آئی نے پیر کی دوپہر ایک بج کر چھ منٹ پر اڑان بھری تھی مگر یہ فوراً بے قابو ہو گیا اور سکول کی عمارت سے ٹکرایا۔
’میری آنکھوں کے سامنا طیارہ عمارت سے جا ٹکرایا‘
اطلاعات کے مطابق یہ تربیتی طیارہ ڈھاکہ میں مائلسٹون سکول اور کالج کیمپس پر گِرا ہے۔ وہاں ایک طالب علم سمودرا نے بی بی سی بنگلہ کو بتایا کہ ان کی آنکھوں کے سامنے جہاز سکول کی عمارت سے جا ٹکرایا۔
،تصویر کا ذریعہReuters
ان کا کہنا تھا کہ ’ہمارا امتحان چل رہا تھا۔ میں امتحانی مرکز کے باہر کھڑا تھا۔ پھر میں نے دیکھا کہ طیارے میں آگ لگی ہوئی تھی اور یہ عمارت سے جا ٹکرایا۔‘
انھوں نے دعویٰ کیا کہ واقعے میں ان کا قریبی دوست بھی ہلاک ہوا ہے۔اساتذہ اور طلبہ کا کہنا ہے کہ طیارہ کیمپس سے اس وقت ٹکرایا جب سکول کی چھٹیاں چل رہی تھیں۔ ہلاکتوں اور زخمیوں میں کئی طلبہ کے والدین بھی شامل ہیں۔سمودرا نے کہا کہ ’سکول گیٹ کے اندر کئی والدین تھے اور بچے بریک کی وجہ سے باہر نکل رہے تھے۔‘
