سری نگر: وادی کشمیر کو ملک کے باقی حصوں کے ساتھ جوڑنے والی سری نگر – جموں قومی شاہراہ پر مسافر بردار گاڑیوں کی دو طرفہ نقل و حمل جاری ہے جبکہ مال بردارگاڑیوں کو سری نگر سے جموں جانے کی اجازت ہے۔واضح رہے کہ گذشتہ روز قومی شاہراہ پر رام بن میں مٹی کے تودے گرآنے کی وجہ سے ٹریفک کی نقل و حمل روک دی گئی تھی۔
ٹریفک حکام نے ہفتےکی صبح بتایا: ‘قومی شاہراہ پرمسافر بردارگاڑیوں کی دو طرفہ نقل و حمل جاری ہے جبکہ مال بردارگاڑیوں کو سری نگر سے جموں جانے کی اجازت ہے’۔مسافروں سے کہا گیا ہے کہ وہ لین ڈسپلن پر عمل کریں اور اوور ٹیکنگ کرنے سے احتراز کریں۔انہوں نے کہا کہ جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر متعلقہ ایجنسیوں کی طرف سے گرین سگنل ملنے کے بعد ہی ٹریفک کو چلنے کی اجازت دی جائے گی۔
