EN
منگل, اپریل ۲۲, ۲۰۲۵
11.4 C
Srinagar
EPAPER
ENGLISH
type here...
تازہ ترینکشمیر
Less than 1 min.Read

اے ایس دلت کی ڈاکٹر فاروق عبداللہ کے متعلق خامہ فرسائی ان کی اپنی ذہنی اختراع ہے: تنویر صادق

ایشین میل
By ایشین میل
سری نگر: نیشنل کانفرنس کے ترجمان اعلیٰ اور رکن اسمبلی تنویر صادق کا کہنا ہے کہ سابق خفیہ ایجنسی ‘را’ کے سابق چیف امرجیت سنگھ دلت نے اپنی کتاب میں جو کچھ ڈاکٹر فاروق عبداللہ کے متعلق لکھا ہے وہ محض ان کی اپنی ذہنی اختراع ہے اور اس میں کوئی صداقت نہیں ہے۔انہوں نے ساتھ ہی کہا کہ اے ایس دلت کو متنازعہ بیانات دینے کی عادت ہے۔

موصوف نے ان باتوں کا اظہار بدھ کو یہاں نامہ نگاروں کے سوالوں کا جواب دینے کے دوران کیا۔انہوں نے کہا: ‘دلت صاحب کا اپنی کتاب میں اپنی ہی بات سے تضاد ہے، جو کچھ انہوں نے ڈاکٹر صاحب کے متعلق لکھا ہے وہ ان کی اپنی ذہنی اختراع ہے اس میں کوئی صداقت نہیں ہے’۔

ان کا کہنا تھا کہ دلت صاحب کو متنازعہ بیانات دینے کی عادت ہے اور ڈاکٹر فاروق عبداللہ صاحب وہ واحد چیئرمین ہیں جنہوں نے پی اے جی ڈی کو ٹوٹنے نہیں دیا تھا’۔انہوں نے کہا: ‘پی ڈی پی کے بانی مرحوم مفتی محمد سعید کے بارے میں بھی ناشائستہ بات کہی گئی ہے جس پر پی ڈی پی یا میں بھروسہ نہیں کر سکتے ہیں’۔

رکن پارلیمنٹ آغا سید روح اللہ اور نیشنل کانفرنس کے درمیان دوری ہونے کے بارے میں پوچھے جانے پر موصوف ترجمان اعلیٰ نے کہا: ‘آغا صاحب نیشنل کانفرنس کے سینئر لیڈر ہیں، یہ گھر کی بات ہے گھر میں ہی ٹھیک ہوجائے گی’۔انہوں نے کہا کہ نیشنل کانفرنس مضبوط ہے پورے پانچ سال حکومت کرکے لوگوں کے ساتھ کئے جانے والے اپنے تمام وعدوں کو پورا کرے گی۔کچھ ارکان اسمبلی کے پارٹی سے ناراض ہونے کی افواہوں کے بارے میں پوچھے جانے پر ان کا کہنا تھا: ‘ایسا کچھ بھی نہیں ہے، یہ سب جھوٹ ہے’۔

Popular Categories

تازہ ترینکشمیرانڈیاجموںاہم خبر۔بین الاقوامیاداریہ
spot_imgspot_img
گزشتہ مضمون
میڈیا کے ساتھ بات کرنے یا کوئی بیان جاری کرنے سے گریز کریں: ڈی پی اے پی کی اپنے لیڈروں اور کارکنوں کو ہدایت
اگلا مضمون
عمر عبداللہ نے پہلی ای – صحت ایپ کو لانچ کیا

روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے

روزنامہ ایشین میل ،راتھر کیمپلیکس راج باغ سرینگر

نیوز لیٹر

©Asian Mail - Designed by Gabfire.