جموں: بی جے پی کے رکن اسمبلی سنیل بھاردواج کا دعویٰ ہے کہ ایوان میں حزب اختلاف کے ممبروں کو اپنی بات رکھنے کے لئے پورا وقت نہیں مل رہا ہے جبکہ نیشنل کانفرنس کے ممبروں کو بولنے کے لئے زیادہ وقت دیا جا رہا ہے۔
انہوں نے کہا، ‘میں نے گذشتہ روز ہاؤس میں بات شروع کی ہی تھی کہ دو ڈھائی منٹ کے بعد گھنٹی بجنا شروع ہوگئی’۔ان کا کہنا ہے کہ اسپیکر کو چاہئے کہ وہ سب کو یکساں نظر سے دیکھیں۔
موصوف لیڈر نے اس کا اظہار جمعرات کو یہاں میڈیا کے ساتھ بات کرنے کے دوران کیا۔
انہوں نے کہا، ‘کئی دنوں سے اسمبلی کارروائی چل رہی ہے اور ایک دن میں تین چار گرانٹس لائی جا رہی ہیں’۔
ان کا کہنا تھا، ‘اپوزیشن کے ممبروں کو پورا وقت نہیں مل رہا ہے، میں نے گذشتہ روز ہاؤس میں بات شروع کی ہی تھی کہ دو ڈھائی منٹ کے بعد گھنٹی بجنا شروع ہوگئی جس کی وجہ سے ہم اپنی بات نہیں رکھ پا رہے ہیں۔موصوف رکن اسمبلی نے کہا کی اسپیکر کو چاہئے کہ وہ سب کو یکساں نظر سے دیکھیں ‘۔
انہوں نے کہا، ‘اگر صحیح طریقے سے وقت نہیں دیتے ہیں تو ہمیں اس پر احتجاج ہی کرنا پڑے گا’۔
ان کا کہنا ہے کہ ‘اسمبلی میں زیادہ وقت نیشنل کانفرنس کے ممبروں کا دیا جاتا ہے گذشتہ روز بھی اسمبلی میں نیشنل کانفرنس کے 8 ممبروں نے بات کی جبکہ ہمارے صرف 3 ممبروں نے اپنی بات رکھی ‘۔
مسٹر بھارد واج نے کہا، ‘جب ہمیں وقت نہیں ملے گا تو ہم اپنے حلقوں کی بات کس طرح رکھ سکتے ہیں’۔
انہوں نے کہا، ‘اسمبلی میں ڈسپلن ہونی چاہئے اور اسپیکر صاحب کو اس کا نوٹس لینا چاہئے’۔
