جموں//وزیر برائے اَمورِ نوجوان و کھیل کود ستیش شرما نے آج کے این وِی بی ڈچ فٹ بال ایسوسی ایشن کے اِنسٹرکٹروں کے ساتھ بات چیت کی تاکہ خطے میں فٹ بال کی ترقی کے اقدامات پر تبادلہ خیال کیا جاسکے ۔ ستیش شرما نے نچلی سطح پر فٹ بال، خواتین کی شرکت اور دیہی، قبائلی اور سرحدی علاقوں میں کھیل کو وسعت دینے کے لئے حکومت کے عزم کا اعادہ کیا۔ اُنہوں نے جموں و کشمیر میں کوچ اور ریفری کی تعلیم ،یوتھ ایکسچینج پروگراموں اور فٹ بال کے بنیادی ڈھانچے کو مضبوط بنانے کے لئے بین الاقوامی تعاون کا خیرمقدم کیا۔اس اقدام کے ایک حصے کے طور پر کوچوں اور ریفریوںکے لئے ایک ریفریشر کورس کا اِنعقاد کیا جارہا ہے تاکہ اُن کی صلاحیتوں کو بڑھایا جاسکے اور وہ بین الاقوامی بہترین طریقوں کے مطابق اَپنی صلاحیتوں کو ہم آہنگ کرسکیں۔وزیر موصوف نے جموں و کشمیر میں نوجوان فٹ بالروں کے لئے بہتر مواقع کو یقینی بنانے کے لئے منظم تربیتی پروگراموں اور عالمی شراکت داری کے لئے حکومت کی حمایت کا اعادہ کیا۔
روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے
روزنامہ ایشین میل ،راتھر کیمپلیکس راج باغ سرینگر
نیوز لیٹر
©Asian Mail - Designed by Gabfire.