مانیٹرنگ ڈیسک
نئی دہلی:آج یعنی پیر سے پارلیمنٹ کا سرمائی اجلاس شروع ہونے جارہا ہے ۔یہ اجلاس 20 دسمبر تک جاری رہے گا جبکہ اس دوران 19 نشستیں ہوں گی ۔ممکنہ طور پر اس اجلاس کے دوران حکومت ایوان میں وقف بل پیش کرے گی ۔
میڈیا رپورٹس کے مطابق وقف بل سمیت کل 16 قوانین کو ایوان سے منظور کرانے کا ایجنڈا ترتیب دیا گیا ہے ۔ان قوانین میں بنک اصلاحاتی قانون بھی شامل ہے ۔
پارلیمنٹ کے سرمائی اجلاس کے حوالے سے اتوار کو کل جماعتی اجلاس طلب کیا گیا تھا۔ اس دوران کانگریس نے اڈانی گروپ کے رشوت ستانی کے معاملے پر دونوں ایوانوں میں بحث کا مطالبہ کیا۔ اپوزیشن بھی منی پور تشدد کیس میں حکومت سے جواب چاہتی ہے۔اتوار کو وزیر دفاع راج ناتھ سنگھ کی صدارت میں آل پارٹی میٹنگ ہوئی۔ اس میں 30 پارٹیوں کے کل 42 لیڈر موجود تھے۔
میڈیا رپورٹس کے مطابق پارلیمنٹ کا سرمائی اجلاس آج یعنی 25 نومبر سے شروع ہو رہا ہے۔ یہ اجلاس 20 دسمبر تک جاری رہے گا۔ اس دوران پانچ نئے بل متعارف کرائے جائیں گے۔ جبکہ وقف (ترمیم) سمیت 11 دیگر بلوں کو بحث کے لیے درج کیا گیا ہے۔ اس کا مطلب ہے کہ کل 16 بل ہوں گے، جنہیں حکومت اس سیشن میں پاس کرنے کی تیاری کر رہی ہے۔ اپوزیشن جماعتوں کے رویہ سے صاف ہے کہ سرمائی اجلاس ہنگامہ خیز ہوسکتا ہے۔
اس سے قبل اتوار کو سرمائی اجلاس کے حوالے سے آل پارٹی میٹنگ بلائی گئی تھی۔ اس دوران کانگریس نے اڈانی گروپ کے رشوت ستانی کے معاملے پر دونوں ایوانوں میں بحث کا مطالبہ کیا۔ اپوزیشن بھی منی پور تشدد کیس میں حکومت سے جواب چاہتی ہے۔ تاہم، پارلیمانی امور کے وزیر کرن رجیجو نے واضح کیا کہ حکومت تمام مسائل پر قواعد پر بات چیت کے لیے تیار ہے۔ جن مسائل پر بحث کی جائے گی ان کا فیصلہ پارلیمنٹ کی بزنس ایڈوائزری کمیٹی کرے گی۔
