نئی دہلی: انٹرنیٹ سرچ انجن کمپنی گوگل عالمی سطح پر کم آمدنی والے گروپ کے لوگوں کی مہارت کی ترقی کے لیے 10 لاکھ ڈالر کی سرمایہ کاری کرے گی۔
گوگل کے سماجی بہبود کی شاخ گوگل آرگ کے سربراہ الیکس ڈیاز نے منگل کو یہاں کہا کہ ہندوستانی این جی او "کاریہ” کو 10 لاکھ ڈالر کی رقم دی جائے گی جو کم آمدنی والے گروپوں کے لوگوں کو عالمی سطح پر "اے آئی” میں ماہر بنائے گی۔ انہوں نے کہا کہ "اے آئی”عالمی معیشت کو نئی شکل دینے والی طاقت ہے۔ گوگل اپنے وسائل اور صلاحیتوں سے اس بات کو یقینی بنارہا ہے کہ اس کے مواقع سب کے لیے فائدہ مند ہوں۔ یہ سرمایہ کاری "کاریہ” کی کوششوں کی حمایت کرے گی۔ کم ڈیجیٹل خواندگی والے صارفین کے لیے مددگار ثابت ہوگی۔
پچھلے مہینے، گوگل نے "اے آئی اسکل ہاؤس” شروع کیا تھا جو ایک کروڑ ہندوستانیوں کو "اے آئی” ٹریننگ کی ایک نئی پہل ہے۔
کاریہ کے شریک بانی اور سی ای او منو چوپڑا نے کہا کہ کاریہ میں ہمارا مقصد ایک "اے آئی فعال” مستقبل کے لئے ایک بنیاد تیار کرنا ہے۔ "اے آئی” سینکڑوں اربوں ڈالر کے معاشی اثرات پیدا کر سکتا ہے۔ یہ اس سرمائے کو ڈیجیٹل مہارتوں کی ترقی کے ڈیزائن کے لیے استعمال کرے گا، جس میں تحقیق پر مبنی نصاب اور تجربے پر مرکوز دونوں شامل ہوں گے اور اس کا 10 بڑی ہندوستانی زبانوں میں ترجمہ کیا جائے گا۔
یواین آئی
