ساؤ پالو:برازیل کے شہر میسیو میں ایک رہائشی عمارت میں دھماکے کے سبب ایک 10 سالہ بچے سمیت کم از کم تین افراد ہلاک اور پانچ دیگر زخمی ہو گئے۔ فائر ڈپارٹمنٹ نے جمعرات کو یہ اطلاع دی۔
سول پروٹیکشن کے ترجمان کی جانب سے ابتدائی اطلاعات سے یہ بات سامنے آئی ہے کہ دھماکہ ممکنہ طور پر میسیو کے سیڈیڈ یونیورسٹیریا کے پڑوس میں ایک اپارٹمنٹ کے سسٹم سے گیس کے اخراج کی وجہ سے ہوا ہے۔ دھماکے سے آگ بھڑک اٹھی جس سے دو منزلہ عمارت تباہ ہوگئی جس میں 20 اپارٹمنٹس تھے۔
شہری حکومت نے حادثے سے بے گھر ہونے والے رہائشیوں کے لیے ہوٹل میں رہائش کا انتظام کیا ہے۔
یو این آئی
