آئندہ ہفتے مودی سے ملاقات کریں گے:ٹرمپ

واشنگٹن: سابق امریکی صدر اور صدارتی انتخابات میں ریپبلکن پارٹی کے امیدوار ڈونلڈ ٹرمپ نے کہا ہے کہ وہ آئندہ ہفتے ہندوستانی وزیر اعظم نریندر مودی سے ملاقات کریں گے۔
ٹرمپ نے فلنٹ کے مشی گن ٹاون ہال میٹنگ سے خطاب کرتے ہوئے کہا”وہ (مودی) آئندہ ہفتہ مجھ سے ملنے آرہے ہیں اور وہ شاندار ہیں۔ میرا مطلب ہے کہ وہ ایک لاجواب انسان ہیں“۔
انہوں نے تجارت اور محصولات پر بات کرتے ہوئے امریکی درآمدات پر بھاری ٹیکس عائد کرنے کے لیے ہندوستان کو ایک ’بڑامنفی رویہ اختیار کرنے والا‘ بھی قرار دیا۔
انہوں نے مزید کہا کہ”یہ سب سے ذہین لوگ ہیں… آپ جانتے ہیں کہ وہ اپنے کھیل میں سرفہرست ہیں اور وہ اسے ہمارے خلاف استعمال کرتے ہیں۔ لیکن ہندوستان بہت سخت ہے، برازیل بہت سخت ہے… چین سب سے مشکل ہے لیکن ہم ٹیرف کے ساتھ چین کی دیکھ بھال کر رہے تھے“،
ٹرمپ نے کہا کہ ان کی قیادت میں امریکہ باہمی تجارت کو آگے بڑھائے گا اور دوسرے ملک کی طرف سے لگائے جانے والے اسی طرح کے محصولات عائد کرے گا۔
مودی 21 سے 23 ستمبر تک امریکہ کا دورہ کریں گے۔ وہ 21 ستمبر کو امریکی صدر جو بائیڈن کی میزبانی میں ڈیلاویئر کے ولیمنگٹن میں ہونے والی چوتھی کواڈ لیڈرز سمٹ میں شرکت کریں گے۔
مسٹر مودی 22 ستمبر کو نیویارک میں ہندوستانی برادری کے ایک اجتماع سے خطاب کریں گے۔ وہ 23 ستمبر کو نیویارک میں اقوام متحدہ کی جنرل اسمبلی میں ‘سمٹ فار دی فیوچر’ سے خطاب کریں گے۔ وزیر اعظم امریکہ میں مقیم سرکردہ کمپنیوں کے سی ای اوز اور ہندوستان-امریکہ کے دوطرفہ منظر نامے میں فعال سوچ رکھنے والے رہنماوں اور دیگر اسٹیک ہولڈرز کے ساتھ بھی بات چیت کریں گے۔