سری نگر،: مرکزی وزیر داخلہ امت شاہ نئی دہلی میں اپنی رہائش گاہ پر جموں و کشمیر کے حوالے سے بی جے پی لیڈروں کی ایک اعلیٰ سطحی میٹنگ کی صدارت کر رہے ہیں، جس میں 18 ستمبر سے تین مراحل میں انتخابات ہونے والے ہیں۔
ذرائع نے نیوز ایجنسی – کشمیر نیوز آبزرور (کے این او) کو بتایا کہ یہ میٹنگ جموں و کشمیر میں ہونے والے اسمبلی انتخابات کے حوالے سے ہو رہی ہے اور پارٹی کے امیدواروں کو حتمی شکل دینے کے لیے فیصلہ کیے جانے کا امکان ہے۔
اس سے قبل بی جے پی نے اسمبلی انتخابات کے لیے 44 امیدواروں کی پہلی فہرست کا اعلان کیا تھا، تاہم اس فہرست کو جلد ہی واپس لے لیا گیا تھا۔ذرائع نے بتایا کہ امت شاہ کی رہائش گاہ پر میٹنگ ختم ہونے کے بعد نظرثانی شدہ فہرست کا اعلان کیا جائے گا۔
