العربیہ کے مطابق ہاؤس جوڈیشری کمیٹی کے سامنے اپنی گواہی میں کرس رے نے کہا کہ تھامس کروکس تقریباً 6 جولائی سے صدر ٹرمپ اور ان کی انتخابی ریلی پر بہت زیادہ توجہ مرکوز کیے ہوئے تھے۔
انہوں نے مزید کہا کہ شوٹر نے بٹلر پنسلوانیا میں ٹرمپ کے سٹیج لینے سے صرف دو گھنٹے قبل ریلی کے قریب کے علاقے میں ڈرون اڑایا تھا۔ انہوں نے یہ بھی وضاحت کی ک شام 4 بجے کے قریب ” کروکس "اسمبلی ایریا کے قریب سٹیج سے تقریباً 200 گز کے فاصلے پر ڈرون اڑارہا تھا۔ ڈرون نے تقریباً 11 منٹ تک پرواز کی تھی۔ تفتیش کاروں کا خیال ہے کہ شوٹر اپنے فون پر ریلی کا لائیو فیڈ دیکھ رہا تھا۔
یاد رہے دو دھماکہ خیز مواد والی اشیا کروکس کے کی گاڑی اور اس کے گھر سے ملی تھی۔ سی این این نے پہلے اطلاع دی تھی کہ شوٹر کی کار میں سے ایک ڈرون ملا تھا۔ رے نے یہ بھی کہ وہ ممکنہ طور پر اس چھت سے دھماکہ نہیں کر سکتا تھا جہاں وہ مارا گیا تھا۔
یاد رہے ٹرمپ 13 جولائی کو پنسلوانیا میں ایک انتخابی ریلی کے دوران ایک نوجوان کے قاتلانہ حملے میں ٹرمپ بال بال بچ گئے تھے۔ گولی ٹرمپ کے کان کو چھو کر گزر گئی تھی۔ ریلی میں موجود افراد میں سے ایک شخص ہلاک اور دو زخمی ہوگئے تھے۔ حملہ آور کروکس کو بھی مار دیا گیا تھا۔
یواین آئی
