چین کے شانڈونگ صوبے میں شدید طوفان، پانچ کی موت

جنان: مشرقی چین کے شانڈونگ صوبے کے ہیز شہر میں آئے طاقتور طوفان میں پانچ افراد کی موت ہو گئی ہے۔
ہیز کے ایمرجنسی مینجمنٹ بیورو نے ہفتے کے روز کہا کہ جمعہ کی سہ پہر ڈونگ منگ اور شوانچینگ صوبے میں آنے والے شدید طوفان میں 88 افراد زخمی ہوئے۔ ان میں سے پانچ افراد کی علاج کے دوران موت ہو گئی۔ ابتدائی تحقیقات سے پتہ چلتا ہے کہ تباہی میں کل 2820 مکانات، 60900 mu (4060 ہیکٹیئر) فصلوں اور 48 بجلی کی سپلائی لائنوں کو نقصان پہنچا ہے۔
مقامی افسران نے بتایا کہ رات بھر کی مرمت کے بعد مقامی سڑکیں، مواصلات، پانی اور بجلی کی سپلائی بنیادی طور پر بحال کر دی گئی ہے، جبکہ مقامی ریسکیو ٹیمیں متاثرہ افراد کو نکال کر ان کی باز آباد کاری میں مصروف ہیں۔ رہائشیوں کے گھروں اور بنیادی ڈھانچے کو پہنچنے والے نقصان کا جامع سروے کرنے کے لیے ایک ٹاسک فورس تعینات کی گئی ہے۔