جموں و کشمیر: ضلع پونچھ کے مینڈھر علاقے میں کچا مکان گر آنے سے ایک شخص کی موت، تین زخمی

جموں و کشمیر: ضلع پونچھ کے مینڈھر علاقے میں کچا مکان گر آنے سے ایک شخص کی موت، تین زخمی
جموں: جموں وکشمیر کے ضلع پونچھ کے مینڈھر علاقے میں دوران شب ایک کچا مکان اچانک گر آنے کے نتیجے میں 55 سالہ شخص کی موت جبکہ اس کی اہلیہ اور دو دیگر رشتہ دار زخمی ہوگئے۔ذرائع نے بتایا کہ ضلع پونچھ کے مینڈھر علاقے کے گرسائی موڑھ گائوں میں بدھ اور جمعرات کی درمیانی شب قریب ساڑھے بارہ بجے ریاض حسین شاہ ولد صابر حسین شاہ کا کچا مکان اچانک گر آیا۔
انہوں نے بتایا کہ اس واقعے کے نتیجے میں مالک مکان ریاض حسین شاہ، اس کی اہلیہ شمیمہ اختر اور 30 سالہ عرفان حیدر اور وظیف حیدر پسران محبوب حسین سعید نامی دو دیگر رشتہ دار زخمی ہوگئے۔
ان کا کہنا تھا کہ زخمیوں کو علاج و معالجے کے لئے سب ضلع ہسپتال سرنکوٹ منتقل کیا گیا جہاں ریاض حسین شاہ زخموں کی تاب نہ لا کر دم توڑ گیا۔
دریں اثنا پولیس نے واقعے کا نوٹس لے کر کارروائیاں شروع کی ہیں۔

یو این آئی

Leave a Reply

Your email address will not be published.