راجوری میں فوجی اہلکار حادثاتی طور پر گولی لگنے سے جاں بحق

راجوری میں فوجی اہلکار حادثاتی طور پر گولی لگنے سے جاں بحق
جموں: جموں وکشمیر کے راجوری میں ایل او سی پر تعینات فوجی اہلکار حادثاتی طورپر اپنی ہی بندوق سے نکلنے والی گولی کا شکار ہو کر دم توڑ گیا ۔یہ واقعہ پیر کی شام راجوری میں لائن آف کنٹرول پر اس وقت پیش آیا جب فوجی اہلکار معمول کے مطابق فاروڈ پوسٹ پر ڈیوٹی پر مامور تھے۔
ذرائع نے بتایا کہ راجوری میں ایل او سی کے نزدیک اس وقت سنسنی کا ماحول پھیل گیا جب معمول کی ڈیوٹی کے دوران حادثاتی طورپر سروس رائفل سے نکلنے والی گولی فوجی کے جسم میں پیوست ہوئی ۔
معلوم ہوا ہے کہ آس پاس موجود اہلکاروں نے اسے علاج ومعالجہ کی خاطر نزدیکی ہسپتال منتقل کیا تاہم ڈاکٹروں نے اسے مردہ قرار دیا۔
دریں اثنا فوج نے قانونی اور طبی لوازمات پورے کرنے کے بعد لاش کو اہل خانہ کے حوالے کرنے کی خاطر کارروائی شروع کی ہے۔
یو این آئی

Leave a Reply

Your email address will not be published.