جموں: منشیات فروشوں کے خلاف کریک ڈائون کو جاری رکھتے ہوئے کٹھوعہ پولیس نے ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔ایک پولیس ترجمان نے اپنے ایک بیان میں کہا کہ پولیس اسٹیشن بلاور کی ایک ٹیم نے گاڑیوں کی چیکنگ کے دوران ایک ناکہ لگا دیا اور اس دوران ایک شخص کو دھر لیا گیا۔
انہوں نے کہا کہ تلاشی کے دوران اس کی تحویل سے 3.40 گرام ہیروئن جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔ملزم کی شناخت بھوشن کمار ولد دیس راج ساکن رامکوٹ کٹھوعہ کے طور پر ہوئی ہے۔
پولیس ترجمان نے بتایا کہ اس سلسلے میں پولیس اسٹیشن بلاور میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر 183/2025 ایک مقدمہ درج کیا گیا اور مزید تحقیقات شروع کی گئین۔
انہوں نے کہا کہ پولیس ضلع سے منشیات کے خاتمے کے لئے پر عزم ہے۔
