صدر جموں و کشمیر شری کاشی ودوت پریشد نے لفٹینٹ گورنر سے ملاقات کی

جموں :جموں کشمیر شری کاشی ودوت پریشد کے صدر پدم شری پروفیسر وشوا مورتی شاستری نے آج یہاں راج بھون میں لفٹینٹ گورنر مسٹر منوج سنہا سے ملاقات کی ۔
پروفیسر وشوا مورتی شاستری نے لفٹینٹ گورنر کے ساتھ نوجوان نسل میں قدیم ویدک ثقافت ، تعلیمات اور روایات کے تحفظ اور فروغ سے متعلق مختلف امور پر تبادلہ خیال کیا ۔ انہوں نے لفٹینٹ گورنر کو تعلیم اور سماجی بہبود کے شعبوں میں اپنی تنظیم کی کوششوں سے آگاہ کیا ۔ انہوں نے جموں و کشمیر میں شاردا پیٹھ انٹر نیشنل یونیورسٹی کے قیام کا مطالبہ بھی پیش کیا ۔
لفٹینٹ گورنر نے پروفیسر وشوا مورتی شاستری کے ساتھ بات چیت کرتے ہوئے کہا کہ حکومت ہندوستانی علمی روایت کو فروغ دینے اور تعلیمی اداروں میں مساوی اور جامع ماحول کے ساتھ معیاری تعلیم تک رسائی کیلئے پرعزم ہے ۔