آج کل جہلم کے کنارے کچھ خاص دکھائی نہیں دے رہا ہے کیونکہ گہری دھند کی وجہ سے خاموشی چھائی ہوئی ہے ۔ہاں دہلی میں وزیر داخلہ کی صدارت میں ہنگامی میٹنگیں ضرور بلائی جاتی ہیں ۔
ان میٹنگوں میں جہاں سیاسی وحفاظتی صورتحال کے حوالے سے باتیں کی جارہی ہیں ، وہیں کانگریس لیڈر راہول گاندھی کی پدیاترا سے پیدا شدہ سیاسی صورتحال کے بار ے میں بھی دریافت کیا جا رہا ہے کہ اُونٹ کس کروٹ بیٹھ جائے گا ۔
ادھر لداخ والوں کی جانب سے جموں وکشمیر کو ریاست کا درجہ دینے کی بات بھی ہو رہی ہے جس سے یہ صاف ہورہا ہے کہ لوگ تنگ آچکے ہیں اور وہ کوئی نہ کوئی سیاسی رنگ دکھانا چاہتے ہیں۔
تاکہ اُن لوگوں کو یہ بات باور کی جائے جو ہر وقت سیاسی جنگ جتنے میں عام لوگوں کو تنگ کرتے ہیں، ویسے بھی بڑی دھیر کی خاموشی خطرناک ہوتی ہے ۔لہٰذا سوچ وچار کرنا بے حد لازمی ہے ۔
