بھاری برف باری کی وجہ سے وادی کشمیر کا بیرون دنیا سے زمینی و فضائی رابطہ منقطع ہوگیا ہے۔ سری نگر کے بین الاقوامی ہوائی اڈے پر بدھ کو برف باری اور کم روشنی کے سبب فضائی ٹریفک دن بھر معطل رہا۔
سرکاری ذرائع نے بتایا کہ میکنیکل انجینئرنگ محکمہ نے مختلف اضلاع میں برف ہٹانے کے کام کے لئے زائد از 150 مشینیں تعینات کردی ہیں۔ انہوں نے کہا کہ اس کے علاوہ ہر ایک ضلع میں اضافی بجلی ٹرانسفارمروں کا سٹاک دستیاب رکھا گیا ہے۔
ادھر سری نگر میں بدھ کی سہ پہر تک کم از کم پانچ سے آٹھ انچ برف کھڑی ہوچکی تھی۔
ان کا کہنا تھا: ‘ہمیں امید ہے کہ تازہ برف باری کے ساتھ ملکی اور غیر ملکی سیاحوں کی ایک بڑی تعداد یہاں وارد ہوگی’۔
