کشمیر: دگرگوں موسمی صورتحال کے بیچ موسلا دھار بارشوں کی پیش گوئی

سری نگر،19 مئی ;وادی کشمیر میں دگرگوں موسمی صورتحال کے بیچ محکمہ موسمیات نے موسلا دھار بارشوں کی پیش گوئی کی ہے۔
متعلقہ محکمے کے ایک ترجمان کے مطابق وادی کشمیر میں 24 اور 25 مئی کو موسلا دھار بارشیں ہونے کا امکان ہے۔
انہوں نے کہا کہ وادی میں 20 سے 23 مئی تک بھی موسم ناساز رہنے کی توقع ہے جس دوران کہیں کہیں گرج چمک کے ساتھ بارشیں ہوسکتی ہیں۔
گرمائی دارحکومت سری نگر جہاں گذشتہ چوبیس گھنٹوں کے دوران 1.0 ملی میٹر بارش ریکارڈ ہوئی ہے، میں کم سے کم درجہ حرارت 12.8 ڈگری سینٹی گریڈ ریکارڈ کیا گیا۔
وادی کے مشہور دہر سیاحتی مقام گلمرگ جہاں گذشتہ چوبیس گھنٹوں کے دوران 3.6 ملی میٹر بارش ریکارڈ ہوئی ہے، میں کم سے کم درجہ حرارت 4.5 ڈگری سینٹی گریڈ ریکارڈ کیا گیا۔
وادی کے دوسرے مشہور سیاحتی مقام پہلگام جہاں گذشتہ چوبیس گھنٹوں کے دوران 2.1 ملی میٹر بارش ریکارڈ ہوئی ہے، میں کم سے کم درجہ حرارت 7.5 ڈگری سینٹی گریڈ ریکارڈ کیا گیا۔
سرحدی ضلع کپوارہ میں کم سے کم درجہ حرارت 9.5 ڈگری سینٹی گریڈ ریکارڈ کیا گیا جبکہ کشمیر کے گیٹ وے ٹاؤن سے جانے والے قصبہ قاضی گنڈ جہاں گذشتہ چوبیس گھنٹوں کے دوران ہلکی بوندا باندی ہوئی، میں کم سے کم درجہ حرارت 10.4 ڈگری سینٹی گریڈ ریکارڈ کیا گیا۔
جنوبی کشمیر کے ککرناگ جہاں گذشتہ چوبیس گھنٹوں کے دوران 2.8 ملی میٹر بارش ریکارڈ ہوئی ہے، میں کم سے کم درجہ حرارت 9.1 ڈگری سینٹی گریڈ ریکارڈ کیا گیا۔
دریں اثنا وادی میں بدھ کی صبح کو اگرچہ آفتاب نمودار ہوا تاہم مطلع پر گہرے بادل بھی چھائے رہے جنہوں نے دن میں کئی بار آفتاب کو اپنے پیچھے چھپانے میں کامیابی حاصل کی۔