ترکہ وانگام شوپیان میں کم شدتی دھماکے سے فوجی کیسپر اڑانے کی کوشش ، کوئی نقصان نہیں/ آئی جی پی کشمیر

سرینگر// پہاڑی ضلع شوپیان کے ترکہ وانگام علاقے میں اتوار کی صبح اس وقت سنسنی پھیل گئی جب فوجی کی کپسیر گاڑی کے نزدیک کم شدتی آئی ای ڈی دھماکہ ہوا تاہم دھماکے کے نتیجے میں کوئی جانی نقصان نہیںہو گیا ۔ آئی جی پی کشمیر نے کم شدتی دھماکے کی تصدیق کرتے ہوئے بتایا کہ انہیں پہلے ہی شوپیان میں آئی ای ڈی کی موجودگی کی اطلاع تھی ۔ سی این آئی کو شوپیان سے نمائندے نے تفصیلات فراہم کرتے ہوئے بتایا کہ اتوار کی صبح ترکہ وانگام علاقے میں دھماکے کے نتیجے میں افر اتفر ی کا ماحول پھیل گیا ۔ نمائندے نے پولیس ذرائع کا حوالہ دیتے ہوئے بتایا کہ مشتبہ جنگجوﺅںنے علاقے میں ایک کم شدتی آئی ای ڈی سرنگ نصب کی تھی جس کے بعد نزدیکی فوجی کیسپر گاڑی کو اڑانے کی کوشش کی گئی ۔ انہوںنے بتایا کہ کم شدتی والے اس دھماکے میںکوئی جانی نقصان نہیں ہوا ، دھماکے کے ساتھ ہی سیکورٹی فورسز کی اضافی تعداد علاقے میں پہنچ گئی جنہوں نے پورے علاقے کو محاصرے میں لیا اور وہاں تلاشی آپریشن عمل میںلایا گیا تاہم کسی کی گرفتاری کی کوئی اطلاع موصول نہیںہوئی ۔ آئی جی پی کشمیر وجے کمار نے بارودی سرنگ دھماکے کی تصدیق کرتے ہوئے بتایا کہ انہیںپہلے ہی آئی ای ڈی نصب ہونے کی اطلاعات تھی ۔ آئی جی پی کشمیر نے کہا کہ ہمیں پہلے ہی مصدقہ اطلاع ملی تھی کہ علاقے میں بارودی سرنگ نصب کی گئی ہے اور جونہی سیکورٹی فورسز اس کا پتہ لگانے کیلئے گئی تو جنگجو وں نے اس وقت اس کا دھماکہ کیا ۔ انہوںنے کہا کہ دھماکے میںکوئی جانی نقصان نہیںہوا اور نہ ہی کسی کے زخمی ہونے کی کوئی اطلاع موصول ہوئی ہے ۔