دو دن بعد ایک بار پھر پٹرول اور ڈیزل کی قیمتوں میں اضافہ

نئی دہلی ، 23 فروری :بین الاقوامی مارکیٹ میں خام تیل کی قیمتوں میں آئی تیزی کی وجہ سے گھریلو سطح پر دو دن کے بعد منگل کے روز پٹرول اور ڈیزل کی قیمتوں میں ایک بار پھر اضافہ کیا گیا ۔
آج دارالحکومت دہلی میں پٹرول 25 پیسے بڑھ کر 90.83 روپے فی لیٹر اور ڈیزل 35 پیسے بڑھ کر 81.32 روپے فی لیٹر پر پہنچ گیا۔
بین الاقوامی مارکیٹ میں لندن برینٹ کروڈ 65 ڈالر فی بیرل کو عبور کر گیا ۔ اس سے گھریلو مارکیٹ بھی متاثر ہوئی ہے ۔
آئل مارکیٹنگ کی سرکاری کمپنی انڈین آئل کارپوریشن کے مطابق دارالحکومت دہلی میں پٹرول میں 25 پیسے اور ڈیزل میں 35 پیسے فی لیٹر کا اضافہ ہوا ہے۔
پٹرول اور ڈیزل کی قیمتیں اب تک کی سب سے بلند ترین سطح پر پہنچ گئی ہیں۔ اس وقت دونوں ایندھنوں کی قیمتیں ہر شہر میں تقریبا اب تک کی سب سے بلند ترین سطح پر پہنچ گئی ہیں ۔ کچھ شہروں میں تو قیمتیں 100 روپے کی سطح کو بھی عبور کر چکی ہیں ۔
نیا سال پیٹرولیم مصنوعات کے لئے اچھا نہیں رہا ہے ۔ جنوری اور فروری میں مجموعی طور پر 25 دن ہی پٹرول مہنگا ہو ا ، لیکن اتنے دنوں میں ہی یہ 07.02 روپے مہنگا ہوگیا ہے ۔ پٹرول کے ساتھ ساتھ ڈیزل کی قیمتیں بھی ریکار قائم کرنے کی رہ پر ہیں ۔ نئے سال میں 25 دنوں کے دوران ڈیزل 07.45 روپے فی لیٹر مہنگا ہو چکا ہے ۔
ملک کے چار بڑے شہروں میں پٹرول اور ڈیزل کی قیمتیں مندرجہ ذیل ہیں:
شہر پٹرول ڈیزل
دہلی 90.93 81.32
ممبئی 97.34 88.44
چنئی 92.90 86.31
کولکتہ 91.12 84.20