بی جے پی 67 اور متحدہ جنتا دل 50 سیٹوں پر آگے چل رہی ہے۔ ایل جے پی بھی اب تک چھ سیٹیں حاصل کر چکی ہے۔
مہاگٹھ بندھن کی رفتار دھیمی پڑ گئی ہے اور تیجسوی کی زیرقیادت پارٹی آر جے ڈی جہاں 75 نشستوں پر آگے ہے اور کانگریس کے امیدوار 24 پر آگے چل رہے ہیں
ایل جے پی سات اور دیگر 22 سیٹوں پر آگے ہیں۔
اس طرح مقابلہ کانٹے کا ہے جس میں سر دست این ڈی اے 123 سیٹوں پر آگے ہے اور مہاگٹھ بندھن 100 کے قریب سیٹوں پر آگے چل رہی ہے۔
سخت سیکورٹی کے درمیان بہار میں ووٹوں کی گنتی کا آغاز
پٹنہ /بہار میں 243 اسمبلی نشستوں کے تین مرحلے کے انتخابات میں ڈالے گئے ووٹوں کی گنتی کا آغاز آج صبح آٹھ بجے کورونا وائرس روک تھام پروٹوکول پر عمل کرتے ہوئے سخت سیکورٹی انتظامات کے درمیان شروع ہوگئے۔
ریاستی الیکشن آفس کے مطابق ، گنتی آج صبح 8 بجے سے ریاست کے تمام 38 اضلاع میں قائم 55 کاؤنٹنگ مراکز پر شروع ہوئی۔ کاؤنٹنگ سینٹر میں سیکورٹی کے وسیع انتظامات کئے گئے ہیں۔ بیلٹ پیپر سے ڈالے گئے ووٹوں کو پہلے گنا جارہا ہے۔ اس کے بعد ، الیکٹرانک ووٹنگ مشینوں (ای وی ایم) کے ووٹوں کی گنتی شروع ہوگی۔
کاؤنٹنگ سینٹر میں کورونا وائرس کی روک تھام کے لئے سوشل ڈسٹنسنگ کی سختی سے پیروی کی جاتی ہے۔ الیکشن کمیشن کی ہدایت کے مطابق ایک ہال میں سات ٹیبل پر ہی ووٹوں کی گنتی کا انتظام کیا گیا ہے۔ دوسرے قریبی ہال میں سات دیگر ٹیبل پر ووٹوں کی گنتی کا عمل جاری ہے۔
اس سے قبل ووٹوں کی گنتی کے لئے ایک ہال میں 14 میزیں لگائی جاتی تھیں ، لیکن اس بار کورونا کی وجہ سے ، دو ہال میں سات سات میزیں لگائی گئی ہیں۔ مرکزی ہال میں انتخابی افسران اور دوسرے ہال میں معاون انتخابی افسران تعینات کئے گئے ہیں۔ ان کے علاوہ ہر سینٹر پر مائیکرو آبزرور بھی تعینات ہیں۔
مشرقی چمپارن ، گیا اور بیگوسرائے میں گنتی کے تین مراکز قائم کیے گئے ہیں جبکہ مدھوبانی ، پورنیہ ، سہرسہ ، دربھنگہ ، گوپال گنج ، بھاگل پور ، نالندہ ، نوادہ اور بانکا میں دو دو سینٹرز بنائے گئے ہیں۔
