تیز ہوائیں اور طوفانی بارشیں

میوہ باغات کو نقصان، کئی مکانوں کے چھت اڑ گئے
سری نگروادی کشمیر میں منگل کے روز بعد سہ پہر کئی علاقوں میں طوفانی بارشوں کے ساتھ ساتھ ژالہ باری بھی ہوئی اور بعض علاقوں میں تیز ہواو¿ں نے کئی مکانوں کے چھت اڑا لئے۔دریں اثنا محکمہ موسمیات کے علاقائی ناظم سونم لوٹس نے یو این آئی اردو کو بتایا کہ جموں وکشمیر میں اگلے 48 گھنٹوں کے دوران موسم ناساز رہے گا اس دوران کہیں کہیں گرج چمک کے ساتھ بارشیں ہوں گی۔ تاہم انہوں نے کہا کہ 11 اور 12 اپریل کو موسم مجموعی طور پر خشک رہنے کی توقع ہے۔وادی میں منگل کے روز موسم ابر آلود ہی تھا کہ سہ پہر کے بعد طوفانی بارشیں شروع ہوئیں اور بعض علاقوں میں ژالہ باری بھی ہوئی جس سے باغوں اور فصلوں کو نقصان ہونے کی اطلاعات ہیں۔ بعض علاقوں میں تیز ہواو¿ں سے رہائشی مکانوں کی چھت اڑنے کی بھی اطلاعات موصول ہورہی ہیں۔طوفانی بارشوں اور تیز ہواو¿ں کی وجہ سے کئی علاقوں میں بجلی کا نظام در ہم و برہم ہوگیا ہے، بجلی کے کھمبے گر آئے ہیں اور بجلی منقطع ہوئی ہے۔وسطی ضلع بڈگام کے دور افتادہ علاقوں بشمول پارس آباد کے لوگوں کا کہنا ہے کہ معمولی بوندا باندی سے ہی ہم بجلی سے کئی دنوں تک محروم ہوتے ہیں جب تیز ہوائیں یا بارشیں ہوں گی تو ہمارا حال کیا ہوگا وہ تو ظاہر ہی ہے۔ انہوں نے کہا کہ ہم ساز گار موسمی حالات میں بھی چوبیس گھنٹوں کے دوران بہ مشکل چار گھنٹے بجلی دیکھتے ہیں۔محکمہ موسمیات کے ایک ترجمان کے مطابق سری نگر میں گذشتہ رات کم سے کم درجہ حرارت 6.5 ڈگری سینٹی گریڈ سینٹی گریڈ ریکارڈ کیا گیا جبکہ وادی کے مشہور زمانہ سیاحتی مقامات گلمرگ اور پہلگام میں کم سے کم درجہ حرارت بالترتیب منفی 0.5 اور 1.2 ڈگری سینٹی گریڈ ریکارڈ ہوا ہے۔وادی کے سرحدی ضلع کپواڑہ میں کم سے کم درجہ حرارت 5.4 ڈگری سینٹی گریڈ جبکہ قاضی گنڈ اور کوکرناگ دونوں مقامات میں کم سے کم درجہ حرارت 5.4 ڈگری سینٹی گریڈ ریکارڈ ہوا ہے۔لداخ یونین ٹریٹری کے ضلع کرگل میں کم سے کم درجہ حرارت 0.8 ڈگری سینٹی گریڈ جبکہ ضلع لیہہ میں کم سے کم درجہ حرارت منفی 1.9 ڈگری سینٹی گریڈ ریکارڈ ہوا ہے۔