بھوپال، : مدھیہ پردیش کے وزیر اعلی کمل ناتھ نے آج ریاستی اسمبلی میں رکن اسمبلی کے طور پر حلف لیا ۔اسمبلی اسپیکر این پی پرجاپتی نے مسٹر کمل ناتھ کو یہاں اسمبلی احاطے میں حلف دلایا ۔ اس موقع پر ریاستی حکومت کے تعلقات عامہ کے وزیر پی سی شرما، وزیر داخلہ بالا بچن، اپوزیشن لیڈر گوپال بھارگو سمیت کئی وزیر اور افسران موجود تھے۔مسٹر کمل ناتھ حال ہی میں چھندواڑہ اسمبلی ضمنی انتخابات میں کامیاب ہو کر رکن اسمبلی بنے ہیں۔ انہوں نے گزشتہ سال 17 دسمبر کو ریاست کے وزیر اعلی کے طور پر لیا تھا ۔ قوانین کے مطابق انہیں چھ ماہ کے اندر رکن اسمبلی کے طور پر حلف لینا تھا ۔ یہ مدت آئندہ 16 جون کو ختم ہو رہی تھی۔مسٹر کمل ناتھ کے وزیر اعلی بننے کے بعد چھندواڑہ رکن اسمبلی دیپک سکسینا کے عہدے سے استعفی دینے کی وجہ یہ اسمبلی سیٹ خالی ہو گئی تھی۔ گزشتہ دنوں لوک سبھا انتخابات کے ساتھ چھندواڑہ اسمبلی حلقہ میں ہوئے ضمنی انتخابات میں مسٹر کمل ناتھ کامیاب کر یہاں سے رکن اسمبلی منتخب ہوئے۔
یواین آئی ۔
