پنجاب: 9 لوک سبھا سیٹ کا رجحان آیا سامنے، کانگریس 7 اور بی جے پی 2 پر آگے
پنجاب میں 13 پارلیمانی حلقے ہیں جن میں سے 9 لوک سبھا سیٹوں کا رجھان سامنے آیا ہے۔ کانگریس 7 سیٹوں پر جب کہ بی جے پی 2 سیٹوں پر آگے چل رہی ہے۔
مغربی بنگال: ترنمول کانگریس کی بہترین کارکردگی، 15 سیٹوں پر آگے
ایگزٹ پول کے مطابق مغربی بنگال میں بی جے پی بہت اچھی کارکردگی کر رہی تھی لیکن جو شروعاتی رجحانات آئے ہیں اس کے مطابق ترنمول کانگریس کی کارکردگی بہت اچھی ہونے جا رہی ہے۔ اب تک 21 سیٹوں کے جو رجحانات سامنے آئے ہیں اس کے مطابق ترنمول کانگریس 15 سیٹوں پر آگے چل رہی ہے جب کہ کانگریس ایک سیٹ پر آگے ہے۔ 5 سیٹوں پر بی جے پی آگے ہے۔
400 سیٹوں کے رجحانات برآمد، این ڈی اے 218 اور یو پی اے 112 پر آگے
اب تک 400 سیٹوں کے رجحانات برآمد ہو چکے ہیں اور شروعاتی رجحانات کے مطابق این ڈی اے 218 سیٹوں پر آگے چل رہی ہے جب کہ 112 سیٹوں پر یو پی اے آگے چل رہی ہے۔ بقیہ 70 سیٹوں پر دیگر پارٹی امیدوار آگے چل رہے ہیں۔
الیکشن کمیشن نے جاری کیا پہلا رجحان، 9 پر بی جے پی اور 3 پر کانگریس آگے
الیکشن کمیشن نے شروعاتی رجحان جاری کر دیا ہے۔ اس کے مطابق بی جے پی 9 سیٹوں پر، کانگریس 3 سیٹوں پر، جنتا دل یو 1 سیٹ پر، میزو نیشنل فرنٹ 1 سیٹ پر، نیشنلسٹ کانگریس پارٹی 1 سیٹ پر، نیشنلسٹ ڈیموکریٹک پروگریسیو پارٹی 1 سیٹ پر اور شیو سینا 1 سیٹ پر آگے ہے۔
