پوتن کا ایران کو جوہری معاہدے سے منسلک رہنے کا مشورہ

تہران، :  روس کے صدر ولادیمیر پوٹن نے ایران سے جوہری معاہدے سےجڑے رہنے کی اپیل کی ہے۔
ایران کی سرکاری خبر رساں ایجنسی آئی آر این اے کے مطابق مسٹر پوٹن نے بدھ کو روس کے شہر سوچی میں آسٹریا کے صدر سے ملاقات کے بعد صحافیوں سے کہا’’2015 کے جوہری معاہدے سے ممالک آہستہ آہستہ الگ ہو رہے ہیں، لیکن وہ ایران کے لیڈروں کو مشورہ دیتے ہیں کہ امریکہ کی پرواہ کئے بغیر وہ اس تاریخی جوہری معاہدے سے منسلک رہیں‘‘۔
روسی صدر نے کہا’’امریکی صدر ڈونالڈ ٹرمپ کے ایران جوہری معاہدے سے الگ ہونے کے بعد یوروپ نے اس معاہدے کو بچانے کے لئے کچھ نہیں کیا اور اگر اب ایران جوہری معاہدے کے تحت مشترکہ مجموعی ایکشن پلان (جےسي پي اواے) کے تحت کئے گئے وعدوں سے خود کو الگ کر لیتا ہے تو اسے سبھی مجرم ٹھهرائیں گے‘‘۔
اس سے پہلے ایران نے بدھ کو سرکاری طور پر جوہری معاہدے کے تحت کئے گئے وعدوں سے خود کو الگ کرنے کا اعلان کیا تھا۔ ایران کی جوہری توانائی تنظیم نے اس بات کی تصدیق کی تھی۔
مسٹر پوٹن نے کہا کہ روس اس جوہری معاہدے میں ثالثی کر کے خوش ہے اور مستقبل میں بھی مدد کرے گا۔
قابل ذکر ہے کہ گزشتہ سال مئی میں امریکی صدر ڈونالڈ ٹرمپ نے ایران جوہری معاہدے سے اپنے ملک کے الگ ہونے کا اعلان کیا تھا۔ اس کے بعد سے ہی اس جوہری معاہدے کی دفعات لاگو کرنے کو لے کر شکوک و شبہات کے حالات بنے ہوئے ہیں۔
قابل غور ہے کہ سال 2015 میں ایران نے امریکہ، چین، روس، جرمنی، فرانس اور برطانیہ کے ساتھ ایک معاہدے پر دستخط کئے تھے۔ معاہدے کے تحت ایران نے اس پر عائد اقتصادی پابندیوں کو ہٹانے کے بدلے اپنے جوہری پروگرام کو محدود کرنے پر اتفاق کیا تھا۔
یو این آئی