ایشین میل نیوز ڈیسک
سرینگر::سرینگر پولیس نے دو منشیات فروشوں کی گرفتاری عمل میں لا کر اُن کے قبضے سے بھاری مقدار میں نشہ آور ادویات برآمد کرکے تحویل میں لے لی۔ راجباغ پولیس اسٹیشن سے وابستہ اہلکاروں نے عامر گلزار احمد سینو ولد مرحوم عبدالحد ساکنہ بوٹ مین کالونی بمنہ کو روک کر اُس کی تلاشی لی جس دوران اُس کے قبضے سے نشہ آور ادویات برآمد کرکے ضبط کی گئی۔
گرفتار شدہ شخص سے پوچھ گچھ کے دوران منشیات کا کاروبار کرنے والے ایک اور شخص جس کی شناخت طاریق احمد ناگو ولد عبدالخالق ساکنہ حبہ کدل حال راولپورہ وانہ بل چیک کے بطور ہوئی ہے کا نام سامنے آیا۔ ایس ڈی پی او صدر کی سربراہی میں پولیس ٹیم نے راولپورہ میں چھاپہ مار کارروائی کے دوران طاریق احمد کی گرفتاری عمل میں لا کر اُ س کے قبضے سے بڑی مقدار میں نشہ آور ادویات اور دوسری ممنوعہ اشیاءبرآمد کرکے تحویل میں لے لی۔
قابلِ ذکر ہے کہ طاریق احمد بد نامہ زمانہ منشیات فروش ہے اور اُس کے خلاف پہلے ہی کئی مقدمات درج ہیں۔ پولیس نے معاملے کی نسبت ایف آئی آر زیر نمبر 32/2019کے تحت راجباغ پولیس اسٹیشن میں کیس درج کرکے مزید تحقیقات شروع کی ہے۔
پولیس نے عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں تاکہ اس بدعت کا قلع قمع کیا جاسکے۔پولیس کی جانب سے منشیات اور نشیلی ادویات کے خلاف چلائی جا رہی مہم کامقصد لوگوں کو منشیات سے پاک ماحول فراہم کرنا مقصود ہے۔منشیات فروش سماج کیلئے ناسور بن چکے ہیں لہذا اس بیماری کو جڑ سے اکھاڑ پھینکنے کیلئے ہر ایک کو اپنا دستِ تعاون پیش کرنا چاہئے تاکہ نوجوان نسل کو بری عادتوں میں مبتلا ہونے سے دور رکھا جاسکے۔
